घरात शिरली मगर, घरातल्यांचे झाले 'असे' हाल, व्हिडिओ पाहुन अंगावर येईल काटा

हिंस्त्र मगर तुमच्या घरात शिरली तर? राजस्थामधील सवाई माधोपुर मध्ये एका घरात मगर घुसली अन् मग तिने त्या घरातल्यांचे असे हाल केले की...

मगरीचं नाव जरी काढलं तरी अंगावर भीतीने काटा येतो. तिने तिचा तो भलामोठा जबडा उघडल्यावर भल्यभल्यांची भंबेरी उडते. मगर दिसतेच इतकी खतरनाक की तिला लांबून जरी पाहिले तरी अंगाला घाम फुटतो. समजा ही अशी हिंस्त्र मगर तुमच्या घरात शिरली तर? राजस्थामधील सवाई माधोपुर मध्ये एका घरात मगर घुसली अन् मग तिने त्या घरातल्यांचे असे हाल केले की...

Chilling #Crocodile Rescue from a house in Sawai Madhopur, Rajasthan pic.twitter.com/CdnFrC1Bvj

— Kirandeep (@raydeep) August 3, 2021

तुम्ही या व्हिडिओत पाहु शकता की मगर या घरात कशी स्वत:चंच घर समजून आरामात फिरतेय. तर ज्यांच्या मालकीचं घर आहे ते बिचारे भीतने छतावरती थरथर कापत आहेत. वनविभागाला माहिती मिळताच वनविभाग त्वरित तेथे दाखल झाला. त्या मगरीला पकडताना पाहायला अख्खा मोहल्ला जमला होता. वनविभागाचे कर्मचारी जसे मगरीला पकडतं होते तसे आजबाजूचे लोकं मजेने मगरीला पाहत होते. तुम्ही व्हिडिओत पाहू शकता कशी मगरीला पकडण्यासाठी तिच्यावर रश्श्या टाकल्या जात आहेत. मात्र जसं मगरीने गुटल्या खायला सुरुवात केली तसे सगळेजण दूर पळाले.

वनविभागाचे अधिकारी वेळीच पोहोचले म्हणून मोठा अनर्थ टळला. मगर आणि माणसं दोघेही सुरक्षित राहिले. या मगरीला पकडण्यासाठी वनविभागाच्या कर्मचाऱ्यांना कित्येक तास लागले.