'माणसातील माणुसकी'; हॉटेलमध्ये काम करणाऱ्या गर्भवती महिलेला दिली एक लाखांची टिप, Video व्हायरल

हॉटेलमध्ये काम करणाऱ्या गर्भवती महिलेला जेवण्यासाठी आलेल्या ग्राहकाने एक लाख रुपये टिप देतानाचा भावनिक व्हिडिओ समोर आला आहे.

Viral Video:  सोशल मीडियाला कोणताही विषय वर्ज्य नाही. हल्ली नानाविध प्रकारचे व्हिडिओ सोशल मीडियावर व्हायरल होतात.असाच एक व्हिडिओ सध्या चर्चेचा विषय ठरला आहे.  

सोशल मीडियावर एका व्हायरल व्हिडिओने माणसातील माणुसकीचे दर्शन घडवून  नेटकऱ्यांच्या भावनांना स्पर्श केला आहे. या व्हिडिओमध्ये गर्भवती अवस्थेत असलेली महिला वेटर हॉटेलमध्ये काम करत असल्याचे दिसत आहे. अशा अवघडलेल्या परिस्थितीत आपला उदरनिर्वाह करण्यासाठी ही महिला हॉटेलमध्ये काम करत आहे.   या महिलेने काम करण्याऐवजी घरी आराम करावा यासाठी हॉटेलमध्ये जेवण्यासाठी आलेला एका ग्राहकाने त्या वेटर महिलेला चक्क एक लाख रुपयांची टिप दिली आहे. त्या ग्राहकाच्या या कृत्यामुळे नेटकरी भावूक झाल्याचे पाहायला मिळत आहे.

या व्हिडिओमध्ये महिला वेटर हॉटेलमध्ये ग्राहकाला जेवण सर्व्ह करत दिसत आहे. त्यावेळी तो व्यक्ती अचानक खिशातून नोटांचे बंडल काढतो, आणि त्या महिलेला देतो. साधारण एक लाख रुपयांची टिप या व्यक्तीने त्या महिलेला दिल्याचे सांगितले जाते. सुरुवातीला ती महिला पैसे घेण्यास नकार  देते, परंतु त्यानंतर व्यक्तीने समजावल्यानंतर ती महिला पैसे घेते. या घडल्या प्रकारामुळे त्या महिलेला आपले अश्रु अनावर होतात.  व्हायरल होणारा हा व्हिडिओ प्रत्येकाला माणुसकीची शिकवण देणारा आहे, असे म्हटले जाते आहे. 

नेटकऱ्यांच्या प्रतिक्रिया 

हा व्हिडिओ इंन्स्टाग्रामवर शेअर करण्यात आला असून, आतापर्यंत या व्हिडिओ १ लाखांहून अधिक लोकांनी लाईक केले आहे. त्याचबरोबर  नेटकऱ्यांनी यावर कमेंट्सचा वर्षाव केला आहे. व्हायरल होत असलेला हा व्हिडिओ पाहून नेटकऱ्यांनी  प्रतिक्रिया दिल्या आहेत. एका यूजरने म्हटले आहे की, 'महिलांना अशा वेळी सुट्टी दिली पाहिजे.' आणखी एका युजरने त्यावर कमेंट केली आहे, ' दुसऱ्यांचा विचार करणारे असे लोक फारच कमी असतात.' 

येथे पाहा व्हिडिओ: