स्कूटीस्वार महिलेच्या मागे लागले कुत्रे; चाव्यापासून बचावली, पण कारला जाऊन धडकली- पाहा VIDEO

या घटनेत सर्वांनाच दुखापत झाली आहे. या घटनेचा व्हिडिओही समोर आला आहे. या व्हिडिओत पाच भटके कुत्रे स्कूटीमागे लागल्याचे दिसत आहे. 

भटक्या कुत्र्यांच्या भीतीने एक स्कूटी स्वार महिला रस्त्याच्या कडेला उभ्या असलेल्या कारला जाऊन धडकली. या स्कूटीवर दोन महिला आणि एक मुलगा बसलेले होते. या घटनेत सर्वांनाच दुखापत झाली आहे. या घटनेचा व्हिडिओही समोर आला आहे. या व्हिडिओत पाच भटके कुत्रे स्कूटीमागे लागल्याचे दिसत आहे. 

एएनआय या वृत्तसंस्थेने दिलेल्या माहितीनुसार, ही घटना ओडिशातील बेरहामपूर शहरातील असल्याचे बोलले जात आहे. येथील भटक्या कुत्र्यांच्या भीतीने संबंधित महिलेचे स्कुटीवरील नियंत्रण सुटले आणि स्कूटी रस्त्याच्या कडेला उभ्या असलेल्या कारला जाऊन धडकल्याचे दिसत आहे. 

#WATCH | Odisha: A woman who was scared of being bitten by stray dogs, rammed her scooty into a car parked on the side of the road in Berhampur city. There were three people on the scooty; all have sustained injuries in the incident. (03.04)

(Viral CCTV visuals) pic.twitter.com/o3MeeBYYPm

— ANI (@ANI) April 3, 2023

25 सेकंदांच्या या व्हिडिओमध्ये भटके कुत्रे स्कूटी स्वार महिलेचा पाठलाग करताना दिसत आहेत. यानंतर कुत्यांना घबरून महिलेची स्कूटी कारला धडकते. ही धडक बरीच जोरदार होती. कारला धडकल्यानंतर स्कुटीवरील सर्वच लोक खाली पडतात. या लोकांना दुखापत झाल्याचेही व्हिडिओमध्ये दिसत आहे. या महिला स्कूटीवरून पडल्यानंतर कुत्रे तेथून पळून जातात. या घटनेचा व्हिडिओ सोशल मीडियावर जबरदस्त व्हायरल होत आहे.