अरे देवा! लग्नाच्या स्टेजवरच जोरदार राडा; नवरदेवाने नववधूच्या मारली कानशिलात, Video व्हायरल

Viral Video : लग्नातला व्हिडीओ सोशल मीडियावर जोरदार व्हायरल होत आहे. जो पाहून तुम्हीही हैराण व्हाल. सध्या याच व्हिडीओची तुफान चर्चा रंगली आहे. 

नवी दिल्ली - लग्न ही प्रत्येकाच्या आयुष्यातील एक महत्त्वाची गोष्ट असते. लग्नाचे भन्नाट किस्से आणि हटके व्हिडीओ हे सोशल मीडियावर जोरदार व्हायरल होत असतात. अनेकदा लग्नात भरपूर मजमस्ती करून ते क्षण आयुष्यभरासाठी साठवून ठेवले जातात. लग्नात कधी नवरानवरीची तर कधी नातेवाईक आणि मित्रमैत्रिणीची धमाल सुरू असते. अशाच एक लग्नातला व्हिडीओ सोशल मीडियावर जोरदार व्हायरल होत आहे. जो पाहून तुम्हीही हैराण व्हाल. सध्या याच व्हिडीओची तुफान चर्चा रंगली आहे. 

प्रत्येक नवरा नवरीची इच्छा असते की आपलं लग्न सर्वात खास, कायम लक्षात राहील असं आणि इतरांपेक्षा वेगळं असावं. यासाठी अनेकदा लोक असं काही करतात, जे पाहून सगळेच थक्क होतात. सध्या व्हायरल होणारा व्हिडिओदेखील असाच अजब आहे, ज्यामध्ये नवरदेवाने लग्नाच्या स्टेजवरच नवरीला मारायला सुरुवात केली. लग्न मंडपातच विधी सुरू असताना ते एकमेकांवर चिडलेले पाहायला मिळाले. हा व्हिडीओ पाहून लोकांनी मजेशीर प्रतिक्रिया देखील दिल्या आहेत. 

नवरदेव स्टेजवरच नवरीला दोन तीन कानाखाली मारतो

सोशल मीडियावर व्हायरल होणाऱ्या व्हिडिओमध्ये तुम्ही पाहू शकता की हार घालण्याच्या कार्यक्रमादरम्यान नवरदेव आपल्या नवरीला मिठाई खाऊ घालण्याचा प्रयत्न करतो. मात्र नवरी मिठाई खाण्यासाठी पुढे येत नाही आणि मिठाई खात नाही. यानंतर नवरदेव ही मिठाई तिच्या तोंडावर फेकतो आणि मग याचा बदला घेण्यासाठी नवरीदेखील मिठाई उचलून नवरदेवाच्या तोंडावर फेकते. नवरीच्या या कृत्यानंतर नवरदेव चांगलाच भडकतो. तो स्टेजवरच सर्वांसमोर नवरीला दोन तीन कानाखाली मारतो. यानंतर लग्नमंडपात एकच गोंधळ उडतो.

फेसबुकवर हा व्हिडीओ शेअर करण्यात आला असून सध्या मोठ्या प्रमाणात व्हायरल होत आहे. 13 लाखांहून अधिकांनी हा व्हिडीओ पाहिला आहे तर 13 हजारांहून अधिकांनी लाईक केला आहे. हा व्हिडिओ पाहून नेटकरीही हैराण झाले आहेत आणि यावर कमेंट करत आहेत. एका युजरने लिहिलं, नवरदेवाने हे अतिशय चुकीचं केलं. दुसऱ्या एकाने लिहिलं, मला वाटतंय हे लग्न जबरदस्ती लावलं जात आहे. याशिवाय इतरही अनेकांनी यावर निरनिराळ्या कमेंट केल्या आहेत. एका हिंदी वेबसाईटने याबाबतचे वृत्त दिले आहे.