VIDEO: माझी होशील ना? मैदानात गुडघ्यावर बसून तिनं तिला लग्नासाठी विचारलं; अन् मग...

खेळाच्या मैदानावर वेगळाच खेळ रंगला; उपस्थितांना आश्चर्याचा धक्का

सोशल मीडियावर सध्या एक व्हिडीओ चर्चेचा विषय ठरत आहे. व्हिडीओमध्ये एक महिला खेळाडूनं तिच्या गर्लफ्रेंडला प्रपोज केलं. अचानक भर मैदानात लग्नासाठी मैदानात मागणी घालण्यात आल्यानं तरुणीला आश्चर्याचा सुखद धक्का बसला. प्रपोज करण्यासाठी महिला खेळाडूनं वापरलेली अनोखी स्टाईल पाहून सगळेच चकीत झाले.

व्हायरल व्हिडीओमध्ये सॉफ्टबॉल खेळत असलेली महिला खेळाडू पिचवर पडल्याचं दिसत आहे. तिला दुखापत झाली असावी असं वाटल्यानं तातडीनं तिच्या संघातील महिला मैदानावर आली. तितक्यात पिचवर पडलेली महिला खेळाडू एका गुडघ्यावर बसली आणि तिनं तिच्या पार्टनरला लग्नासाठी मागणी घातली.

We weren’t ready for this. ❤️

(🎥: @jacintacomande / TikTok) pic.twitter.com/MbE7YBFQjM

— TSN (@TSN_Sports) December 7, 2021

टेन स्पोर्ट्सनं ट्विटरवर हा व्हिडीओ शेअर केला. तो आता सोशल मीडियावर व्हायरल झाला आहे. व्हिडीओमध्ये मैदानात खेळत असलेल्या खेळाडूचं नाव सारा रिऊ असं असून तिच्या गर्लफ्रेंडचं नाव जॅसनिटा कोमांडे आहे. रिऊ आणि कोमांडे बऱ्याच कालावधीपासून रिलेशनशिपमध्ये आहेत. 

कोमांडेला लग्नासाठी मागणी घालण्यासाठी रिऊनं मैदानात खेळत असताना दुखापत झाल्याचं नाटक केलं. रिऊला इजा झाली असावी असं कोमांडेला वाटलं. तिनं अवघ्या काही सेकंदांत मैदान गाठलं. कोमांडे जवळ येताच रिऊनं गुडघ्यावर बसून तिला लग्नासाठी मागणी घेतली. हातात अंगठी घेत तिनं कोमांडेला प्रपोज केलं. हा व्हिडीओ आतापर्यंत लाखो लोकांनी पाहिला आहे.