संतापजनक! महिला स्पोर्ट्स अँकरच्या बाबतीत घडला विचित्र प्रकार, वाचून तुम्हाला येईल चीड

घडलेला प्रकार पाहून ती देखील संतापली...

Sports anchor Emma Jones | सोशल मीडिया हे एक असे माध्यम आहे जिथे कधी काय घडेल हे सांगता येत नाही. कधी एखादी व्हिडीओ व्हायरल होते तर कधी एखादा फोटो लोकप्रिय होतो. बरेच वेळा सोशल मीडियावर विचित्र घटनाही घडताना दिसतात. असाच एक संतापजनक प्रकार एका युवा महिला स्पोर्ट्स अँकरबाबत घडला. प्रसिद्ध स्पोर्ट्स अँकर एम्मा जोन्स हिच्याबरोबर एक अतिशय धक्कादायक घटना घडली. या घटनेची तिला आधी कल्पनाच नव्हती, पण जेव्हा तिला हे समजले त्यानंतर तिने याबद्दल सर्वांसमोर येऊन थेट आपली कैफियत मांडली आणि घडलेल्या प्रकाराबाबत सांगितले.

नक्की काय घडलं?

कोणीतरी एम्मा जोन्सचा फोटो X रेटेड डेटिंग साइटवर टाकला. एम्माला या गोष्टीची काहीच कल्पना नव्हची. हा फोटो पोस्ट केल्यानंतर बऱ्याच काळानंतर या घृणास्पद कृत्याची तिला सोशल मीडियावरूनच माहिती मिळाली. एका युजरने तिच्यासोबतचा डेटिंग साइटच्या प्रोफाईलचा स्क्रीनशॉट शेअर केला. असा प्रकार घडलेला बघून सर्वात आधी एम्मा विचित्र असा धक्काच बसला. त्यानंतर तिच्या रागाचा पारा चढला. त्या साईटवर तिचा फोटो असल्याचे पाहून ती खूप जास्त संतापली.

एम्माने पुढे काय केले?

एम्मा जोन्सच्या बाबतीत असा प्रकार घडणे हे चाहत्यांसाठी तर धक्कादायक होतेच. पण त्यासोबतच घडलेला प्रकार पाहून एम्मा देखील प्रचंड चिडली. तिने तिच्या इंस्टाग्राम स्टोरीवर लिहिले की, माझा फोटोदेखील त्या साईटवर आहे. आणि त्यानंतर तिने दोन रडणारे इमोजीही टाकले. जोन्सने पुढे लिहिले- हे काय आहे. मला या वेबसाइटबद्दल गुगलवर शोधायचे नाही. याचा काय तो सोक्षमोक्ष लावावा.

एम्मा जोन्स ही सोशल मीडियावर खूप लोकप्रिय आहेत. इंस्टाग्रामवर तिचे ४ लाखांहून अधिक फॉलोअर्स आहेत. अनेकदा ती तिच्या मैदानावरील अँकरिंगचे व्हिडिओ आणि फोटो सोशल मीडियावर शेअर करत असते. त्यामुळेच क्रीडाजगतात एम्माचे अनेक चाहते आहेत.