फ्लाईटमध्येच सहा प्रवाशांमध्ये झाली फ्रीस्टाईल हाणामारी, क्रु मेंबर्ससकट प्रवाशांचे झाले 'हे' हाल

फ्लाइटमधील भांडणाचा एक धक्कादाक व्हिडिओ समोर आला आहे. यामध्ये काही जण एकामेकाला मारताना दिसत आहेत. ते एकमेकांना जोरात धक्काबुक्की करत आहेत. त्याचवेळी फ्लाइटच्या आतून लोकांच्या किंकाळ्या ऐकू येत आहेत.

बहुतेक प्रवासी फ्लाइटच्या आत या गोष्टीचा विचार करत असतात की, आकाशात विमान असताना कोणतीही अडचण येऊ नये. तथापि, अनेकांना विमानाविषयी एक फोबिया (एक प्रकारची भीती) असते. परंतु नेहमीच क्रू मेंबर्स आणि पायलट सर्व प्रवाशांच्या सुरक्षिततेची खबरदारी घेत असतात. पण, असे काही करामती प्रवासी विमानात देखील असतात, जे तेथे सुद्धा मारामारी करू शकतात. मात्र, त्यांच्या या कृत्याने इतर प्रवाशांचा जीव घशात येतो. KLM (Klm फ्लाइट) च्या फ्लाइटमध्ये असाच धक्कादायक प्रकार घडला. अचानक या फ्लाइटमधील ६ प्रवाशांमध्ये भांडण झाले. त्यांनी विमानाच्या मध्यभागी एकमेकांना बेदम मारहाण करण्यास सुरुवात (shocking video of fighting in flight) केली.

Nice flight to dam today x pic.twitter.com/4FqulwXN2d

— Maya Wilkinson (@MayaWilkinsonx) May 5, 2022

विमान मँचेस्टरहून अमस्टरडॅमला जात असताना काही लोक एकमेकांना जोरजोरात बुक्यांनी मारहाण करत होते, हे या व्हिडिओमध्ये स्पष्ट दिसत आहे. विमानाच्या आतून घाबरलेल्या लोकांच्या ओरडण्याचा-किंचाळण्याचा आवाज येत आहेत. एक क्रू मेंबर भांडण सोडवण्यासाठी येतो, हे व्हिडिओमध्ये दिसत आहे. पण तोही फार काही करू शकत नाही. या लोकांची गावठी स्टाईलने मारहाण सुरूच होती.

४५ सेकंदाच्या या व्हिडिओला वृत्त लिहिपर्यंत १२ लाखांहुन अधिक व्ह्यूज मिळाले आहेत. परिस्थिती नियंत्रणात येत नसल्याचे पाहून क्रू मेंबरने फोन करून पोलिसांना याची माहिती दिली आणि पोलिसांनी त्या ६ प्रवाशांना ताब्यात घेतले आहे.