Viral Video: सिंहाच्या तावडीतून वाचली अन् मगरीच्या जबड्यात अडकली, पाहा म्हशीच्या शिकारीचा थरार

इंस्टाग्रामवर अपलोड झालेल्या या व्हिडिओला आतापर्यंत 22 हजाराहून अधिक व्ह्यू मिळाले आहेत.

हॉलिवूड चित्रपटांच्या चाहत्यांनी 'फायनल डेस्टिनेशन' हा चित्रपट नक्कीच पाहिला असेल. जर तुमच्यावर मरणाची वेळ आली तर तुम्ही मृत्यूपासून वाचू शकत नाही, हे त्यात दाखवण्यात आले आहे. असेच काहीसे या म्हशीच्या बाबतीत घडले, परंतु म्हशीला जगण्याची इच्छा होती, त्यामुळे अनेक हल्ले होऊनही ती वाचली. म्हशीवर आधी सिंहाने हल्ला केला, मात्र तिने पळून जाण्यासाठी पाण्यात उडी मारली असता एका महाकाय मगरीने तेथे तिच्यावर हल्ला केला. अनेकवेळा हल्ला करूनही म्हैस कशीतरी पाण्यातून बाहेर येण्यात यशस्वी झाली. हा व्हिडिओ सोशल मीडियावर प्रचंड व्हायरल होत आहे.

सिंहाच्या तावडीतून अशी वाचली

सोशल मीडियावर एक व्हिडिओ व्हायरल होत आहे, ज्यात एक म्हैस सिंहाच्या तावडीतून निसटण्यात यशस्वी झाल्याचे दिसत आहे. हा व्हिडिओ 'नेचर27_12' या युजरने इंस्टाग्रामवर अपलोड केला असून तो सुमारे 22 हजार वेळा पाहिला गेला आहे. व्हिडिओमध्ये एक म्हैस आपला जीव वाचवण्यासाठी धावताना दिसत आहे. सिंह तिचा पाठलाग करताना यात दिसत आहे. सिंहापासून वाचण्यासाठी म्हैस पाण्यात उडी घेते, पण तिथे एक महाकाय मगर तिच्यावर हल्ला करते.

म्हशीवर मगरीचा हल्ला 

अचानक झालेल्या या हल्ल्याने म्हैस बुचकळ्यात पडते आणि स्वतःचा जीव वाचवण्यासाठी धडपडते. यात ती म्हैस यशस्वी होते आणि मगरीच्या तावडीतून सुटून पाण्याबाहेर येते. ती म्हैस काठावर उभी राहते, कारण समोर दोन सिंह तिची वाट पाहत थांबलेले असतात. पुढे त्या म्हशीचे काय होते, हे यात दाखवण्यात आले नाही. हा व्हिडिओ सोशल मीडियावर प्रचंड व्हायरल होत आहे.