रेस्टॉरंटमध्ये ग्राहकाने नूडल्स मागवले, शेवटच्या घासावेळी जिवंत बेडूक आढळले; पाहा Video...

Frog Found In Noodles: सोशल मीडियावर या घटनेचा व्हिडिओ चांगलाच व्हायरल होत आहे.

Frog Found In Noodles: हॉटेलमध्ये जेवताना जेवणात किडे, पाल, कॉकरोच आढळल्याच्या घटना तुम्ही अनेकदा वाचल्या किंवा पाहिल्या असतील. यासंबंधी व्हिडिओही सोशल मीडियावर व्हायरल होत असतात. आता असाच एक व्हिडिओ व्हायरल होत आहे. पण, हा व्हिडिओ इतर व्हिडिओपेक्षा खूप वेगळा आहे. या व्हिडिओमध्ये अन्नात चक्क जिवंत बेडूक आढळले आहे. 

Kaito (@kaito09061) नावाच्या ट्विटर हँडलवर व्हिडिओ शेअर करण्यात आला आहे. एका व्यक्तीने रेस्टॉरंटमध्ये नूडल्स ऑर्डर केले होते, पण त्याच्या नूडल्समध्ये चक्क जिवंत बेडूक आढळले. जपानमध्ये घडलेल्या या घटनेची सोशल मीडियावर चांगलीच चर्चा होत आहे. नूडल्समध्ये बेडूक पाहून तो माणूस खूप घाबरला, कारण त्याने त्याच्या कपमधील बरेच नूडल्स खाऊन घेतले होते.

शेवटचा घास खाताना बेडूक दिसला

#シェイクうどん
自分が出張中に気に立っていたうどんを食べたら

何にカエル🐸

振った後に食べて最後の方まで気づかなかった

お店は3時間の営業停止の後にその日の夜から営業再開、今もサラダや同じ商品を販売中

食べる前には気をつけて pic.twitter.com/pjbxuLy9F6

— 魁斗 (@kaito09061) May 22, 2023

नूडल्सच्या आत बेडूक आढळताच त्या व्यक्तीने फोनमध्ये घटना रेकॉर्ड केली. त्या व्यकीने कपमधील सर्व नूडल्स खाऊन घेतले होते आणि शेवटच्या घासावेळी त्याला बेडूक दिसला. या घटनेनंतर रेस्टॉरंटने दुसऱ्या दिवशी आपल्या वेबसाइटद्वारे माफी मागितली. त्यांनी सांगितले की, त्यांच्या कारखान्यातून कच्चा माल येतो, त्यावेळेस हे बेडूक आले असावे.