चुलीवर चपात्या करताना दिसला 'स्पायडरमॅन', लोक म्हणाले - जगाला वाचवून पोट नाही भरत!

Funny Video : स्पायडरमॅनचा हा व्हिडीओ पाहून लोक पोटधरून हसत आहेत.व्हिडीओत एक व्यक्ती स्पायडरमॅनचे कपडे घालून चपात्या करताना दिसत आहे.

Funny Video : स्पायडरमॅन सिनेमात अनेकांचे जीव वाचवतो आणि दृष्ट लोकांचा नाश करतो. जे हवं ते काही क्षणात मिळवू शकतो. पण हाच 'स्पायडरमॅन' चपात्या करताना दिसला आहे. भारतातील एका गावात तो चपात्या करताना दिसला असून त्याचा व्हिडीओ व्हायरल झाला आहे. स्पायडरमॅनचा हा व्हिडीओ पाहून लोक पोटधरून हसत आहेत. व्हिडीओत एक व्यक्ती स्पायडरमॅनचे कपडे घालून चपात्या करताना दिसत आहे.

यूट्यूब अकाऊंटवर हा व्हिडीओ शेअर करण्यात आला आहे. नक्कीच हा व्हिडीओ पाहून तुम्हालाही हसू येईल. व्हिडीओत एक व्यक्ती स्पायडरमॅनच्या कपड्यांमध्ये एका घराच्या टेरेसवर चक्क चुलीवर चपात्या करताना दिसत आहे. 

या व्यक्तीने डोक्यापासून पायापर्यंत स्वत:ला स्पायडरमॅनच्या कपड्यांनी झाकून घेतलं आहे आणि चुलीवर चपात्या शेकत आहे. नक्कीच असा व्हिडीओ याआधी तुम्ही कधी पाहिला नसेल. हा व्हिडीओ कुठला आहे हे समजू शकलेलं नाही. पण लोक मात्र लोटपोट होऊन हसत आहेत. या व्हिडीओच्या कॅप्शनलाही एक मजेदार लिहिलं आहे की, “दुनिया को बचाने से पेट नहीं भरता.”

या व्हिडीओला भरपूर व्ह्यूज मिळाले आहेत. तर अनेकांना यावर मजेदार कमेंट्सही केल्या आहेत. एकाने लिहिलं की, "अरे हे काय बघतोय मी". तर दुसऱ्याने लिहिलं की, 'हा स्पायडरमॅनचा खरा स्ट्रगल आहे. तिसऱ्याने लिहिलं की, 'स्पायडरमॅनचं खरं आयुष्य असं आहे'.