Viral Video: एक चूक अन्...,खिडकी साफ करण्यासाठी महिलेने स्वतःचा जीव घातला धोक्यात

इमारतीच्या चौथ्या मजल्यावर राहणाऱ्या महिलेने खिडकी साफ करण्यासाठी स्वतःचा जीव धोक्यात घातल्याचे व्हिडिओत दिसत आहे.

गाझियाबाद: आपले घर, आसपासचा परिसर स्वच्छ ठेवणे महत्वाचे आहे. पण, ही स्वच्छता करताना स्वतःचा जीव धोक्यात घालणे कितपत योग्य? काहीजण अनेकदा घर स्वच्छ ठेवण्यासाठी धोकादायक पद्धतीचा अवलंब करतात. याची प्रचिती देणारा एक व्हिडीओ समोर आला आहे. एक महिला घराची खिडकी साफ करण्यासाठी स्वत:च्या जीवाची बाजी लावते. या महिलेचा कारनामा पाहून तुम्हीही चक्रावून जाल.

ही धक्कादायक घटना उत्तर प्रदेशमधील गाझियाबादमधून समोर आली आहे. व्हिडीओमध्ये तुम्ही पाहू शकता की, एक महिला खिडकीच्या बाहेर उभी राहून काच पुसत आहे. धक्कादायक बाब म्हणजे ही महिला चक्क चौथ्या मजल्यावरील खिडकीच्या बाहेर उभी आहे. खिडकी साफ करताना एक चूक झाली, तर त्या महिलेचा जीव जाऊ शकतो. पण, स्वतःच्या जीवाची पर्वा न करता ही महिला काच पुसत बसते.

व्हिडिओ पाहा:

सफाई की ऐसी भी क्या सनक.... #गाजियाबाद - इंदिरापुरम के शिप्रा रिवेरा सोसाइटी में एक महिला सफाई करने के लिए चौथी मंजिल की खिड़की पर ही चढ़ गई। रविवार का वीडियो। जरा सी लापरवाही होती तो अंजाम क्या होता?

सावधान रहें सतर्क रहें और ऐसा ना करें।#ViralVideopic.twitter.com/6iRsxEl4rN

— माधुरी सेंगर (@Rmadhurisengar) February 21, 2022

मिळालेल्या माहतीनुसार, गाजियाबादच्या इंदिरापूरम येथील शिप्रा रिवेरा सोसायटीतील हा व्हिडिओ आहे. ही घटना रविवारची असल्याचे सांगितले जात आहे. ही महिला खिडकीची काच साफ करत असताना समोरच्या इमारतीमधील एक व्यक्ती हा संपूर्ण प्रकार आपल्या मोबाईलमध्ये कैद करतो. माधूरी सेंगर नावाच्या युझरने हा व्हिडिओ ट्विटरवर शेअर केला आहे. हा व्हिडिओ व्हायरल झाल्यानंतर नेटीझन त्या महिलेच्या मुर्खपणावर विविध प्रतिक्रिया देत आहेत.