video: बेपनाह प्यार है..! डोंगरावर रील बनवणे अंगलट; पाय घसरुन तरुणी दरीत कोसळली

हा व्हिडिओ सोशल मीडियावर वेगाने व्हायरल होत आहे.

Social Media Viral Video : आजकाल सोशल मीडियावर काही लाइक्स आणि व्ह्यू मिळवण्यासाठी लोक कोणत्याही थराला जात आहेत. सोशल मीडियावर व्हायरल होण्यासाठी अनेकजण स्वतःचा जीवही धोक्यात घालायला मागे-पुढे पाहत नाहीत. असाच एक व्हिडिओ हिमाचल प्रदेशातील चंबा येथून समोर आले आहे. व्हिडिओ बनवण्यासाठी तरुण दरीत उतरली अन् तेवढ्यात नको ते घडले. 

व्हायरल व्हिडिओमध्ये एक तरुणी दरीत उतरुन रील बनवताना दिसत आहे. व्हिडिओ शूट करणाऱ्याने स्टार्ट म्हणताच ती 'बेपनाह प्यार है, तेरा इंतजार है...' हे रोमँटिक गाणे म्हणू लागते. त्यानंतर ती मुलगी तिची ओढणी गोल-गोल फिरवत डान्स स्टेप्स करते. परत येत असताना तिचा पाय घसरतो आणि ती थेट दरीत कोसळते. हा अपघात कॅमेऱ्यात कैद झाला असून आता हा व्हिडिओ सोशल मीडियावर वेगाने व्हायरल होत आहे.

व्हिडिओ पहा....

Today's people are playing with their lives just to make a reel. The viral video is said to be from Chamba. pic.twitter.com/QnaGGAZ1rJ

— Baba Banaras™ (@RealBababanaras) September 15, 2024

हा व्हिडीओ पाहून एका युजरला 'हम आपके है कौन' चित्रपटातील सीन आठवला, ज्यामध्ये रेणुका शहाणे वेगाने पायऱ्यांवरून घसरुन पडते. कमेंट करताना त्या व्यक्तीने लिहिले की, याला म्हणतात रेणुका शहाणे रील बनताना...सोशल मीडियावरील अनेक युजर यावर रागही व्यक्त करत आहेत. लाइक्स आणि फॉलोअर्सच्या शर्यतीत आपला जीव धोक्यात घालणे चुकीचे असल्याचे अनेकांचे म्हणने आहे. धक्कादायक बाब म्हणजे, यापूर्वीही अशाप्रकारच्या अनेक घटना घडल्या आहेत.