प्यार का बंधन! "प्रेमात खूप ताकद असते"; विश्वास बसत नसेल तर नक्की पाहा 'हा' भन्नाट Video

सोशल मीडियावर याच दरम्यान आता प्रेमाशी संबंधित आणखी एक मजेदार व्हिडीओ व्हायरल होत आहे, जो तुम्हाला नक्कीच पोट धरून हसायला लावेल.

प्रेमात खूप ताकद असते, जी संपूर्ण जगाला आपल्यासमोर झुकवते असं म्हणतात. पण त्यासाठी प्रेम खरं असलं पाहिजे. मात्र, आजच्या काळात खरे प्रेम किती जणांना मिळतं. लोक एकमेकांना प्रेम दाखवतात, पण अनेकदा ते प्रेम फक्त वरवरचे प्रेम असतं. हेच कारण आहे की आजकाल मुलं-मुली खूप लवकर प्रेमात पडतात आणि लवकर ते नातं तुटतं. या कारणामुळे विवाह देखील जास्त काळ टिकू शकत नाहीत. 

सोशल मीडियावर याच दरम्यान आता प्रेमाशी संबंधित आणखी एक मजेदार व्हिडीओ व्हायरल होत आहे, जो तुम्हाला नक्कीच पोट धरून हसायला लावेल. सोशल मीडियावर व्हायरल झालेल्या व्हिडिओमध्ये तुम्ही पाहू शकता की, एक मुलगी भातशेतात आरामात पडून तिच्या प्रियकराशी फोनवर बोलत आहे. त्यानंतर ती लगेच उठते आणि हातात विळा घेऊन भात कापायला लागते. 

प्यार में बहुत ताकत होती है
यकीन ना हो तो ये देखो 😅❤️ pic.twitter.com/hXHgSsg4TO

— ज़िन्दगी गुलज़ार है ! (@Gulzar_sahab) December 1, 2022

व्हिडिओच्या शेवटी असे दिसते की, फोनवर बोलत असताना ती संपूर्ण शेतातील भात एक एक करून कापते आणि नंतर तिला स्वतःवर विश्वास बसत नाही की तिने हे देखील केले आहे. नंतर तिला स्वतःचा अभिमान वाटू लागतो की तिने एकट्याने संपूर्ण शेतातील भात कापले. गंमतीत याला प्रेमाची ताकद म्हटले जात आहे. ती मुलगी आपल्या प्रियकराशी बोलण्यात इतकी मग्न झाली होती की, तिने किती सहज अवघड काम करून दाखवले हे तिला कळलेच नाही.

हा मजेदार व्हिडिओ सोशल मीडिया प्लॅटफॉर्म ट्विटरवर @Gulzar_sahab नावाच्या आयडीसह शेअर करण्यात आला आहे आणि कॅप्शन लिहिले आहे, प्रेमात खूप ताकद असते. विश्वास बसत नसेल तर हे पाहा. अवघ्या 21 सेकंदांचा हा व्हिडिओ आतापर्यंत 62 हजारांहून अधिक वेळा पाहिला गेला आहे, तर 2500 हून अधिक लोकांनी या व्हिडिओला लाईकही केले आहे. एका हिंदी वेबसाईटने याबाबतचे वृत्त दिले आहे. 

सर्व ठळक बातम्यांसाठी जरूर वाचा महाराष्ट्रातील अव्वल मराठी वेबसाईट "लोकमत डॉट कॉम"