ग्लॅमरस Sara Tendulkar! पापाराझींना पाहताच सचिनच्या लेकीची गोड स्माईल अन्...; Video Viral

sara tendulkar latest news : सारा तिच्या वैयक्तिक कर्तृत्वाने सर्वांना भुरळ घालते.

sara tendulkar videos : भारतीय क्रिकेटचा चेहरा, दिग्गज, मास्टर ब्लास्टर आणि भारतरत्न म्हणजे अर्थातच सचिन तेंडुलकर. सचिनची ख्याती जगभर असल्याने त्याच्या कुटुंबातील सदस्यांना पहिल्यापासूनच प्रसिद्धी मिळत गेली. त्याचा मुलगा अर्जुन आणि मुलगी सारा यांना लहानपणापासून माध्यमांच्या कॅमेऱ्यासमोर झळकण्याची सवय लागली. यामुळेच आता सारा तेंडुलकरला तिची स्वत:ची वेगळी ओळख निर्माण करायला फार वेळ लागला नाही. ती नेहमी ग्लॅमरस फोटो पोस्ट करून चाहत्यांचे लक्ष वेधत असते. आता साराचा सोशल मीडियावर एक व्हिडीओ व्हायरल होत आहे, ज्यामध्ये तिचा ग्लॅमरस लूक पाहायला मिळत आहे. 

केवळ स्पोर्टिंग आयकॉनची लेक म्हणूनच नाहीतर सारा तिच्या वैयक्तिक कर्तृत्वाने सर्वांना भुरळ घालते. खेळावरील आवडीसह तिने तिच्या वैयक्तिक आवडींचा समतोल साधला. माहितीनुसार, २०२३ पर्यंत सारा तेंडुलकरची एकूण संपत्ती ५० लाख ते १ कोटी रुपये होती. सारा एक ऑनलाइन स्टोअर चालवते आणि अलीकडेच तिला भारतातील कोरियन ब्युटी ब्रँड लॅनिगची ब्रँड ॲम्बेसेडर म्हणून नियुक्त करण्यात आले. साराला मॉडलिंगचीही आवड आहे. तिने अजियो लक्सच्या जाहिरातीमध्ये मॉडेल म्हणून पदार्पण केले आणि तिने फॅशन आणि मनोरंजन उद्योगात प्रवेश केला.

सारा तेंडुलकर आज बुधवारी वांद्रे परिसरात स्पॉट झाली. साराने माध्यमांच्या प्रतिनिधींना हातवारे करत त्यांचे आभार मानले. तिचा हा ग्लॅमरस लूक चाहत्यांना भुरळ घालणारा आहे. 

दरम्यान, सारा तेंडुलकर उच्चशिक्षित आहे. मुंबईतील धीरूभाई अंबानी इंटरनॅशनल स्कूलमध्ये शालेय शिक्षण घेतल्यानंतर तिने लंडनच्या युनिव्हर्सिटी कॉलेजमधून पदवीचे शिक्षण घेतले. सारा सोशल मीडियावर नेहमी सक्रिय असते आणि तिचे Instagram वर लाखो फॉलोअर्स आहेत. काही दिवसांपूर्वीच साराने प्रसिद्ध कोरियन स्कीन केअर ब्रँड लानेजची ब्रँड ॲम्बेसेडर म्हणून ब्युटी इंडस्ट्रीमध्ये पाऊल ठेवले.