VIDEO: मैं उठेगा नहीं...! रेल्वे ट्रॅकवर पडला दारूडा; अंगावरून मालगाडी जाऊ लागली, अन् मग...

दारूड्याच्या अंगावरून मालगाडी जाऊ लागली; व्हिडीओ सोशल मीडियावर व्हायरल

देव तारी त्याला कोण मारी असं म्हटलं जातं. त्याचाच प्रत्यय देणारी घटना राजस्थानच्या सवाई माधोपूरमध्ये घडली आहे. एका तरुणाच्या अंगावरून मालगाडी गेली. मात्र त्याला साधं खरचटलंसुद्धा नाही. गंगापूर शहरातील करौली आणि हिंडौन गेट दरम्यान दिल्ली-मुंबई मेन लाईनवर एक तरुण पडला असल्याची माहिती लोकांना मिळाली. या तरुणाच्या अंगावरून मालगाडी गेली. त्या घटनेचा व्हिडीओ सोशल मीडियावर व्हायरल झाला आहे.

व्हिडीओमध्ये एक तरुण रेल्वे रुळांमध्ये बेशुद्धावस्थेत पडलेला दिसत आहे. त्याच्यावरून संपूर्ण मालगाडी जाते. या तरुणाचं नाव दलचंद महावर असून तो २७ वर्षांचा आहे. दलचंदच्या अंगावरून संपूर्ण मालगाडी गेली. मात्र त्याला साधं खरचटलंही नाही. गंगापूरच्या नसिया वसाहतीत राहणारा दलचंद दारुडा आहे. नशेत रेल्वे रुळ ओलांडत असताना तो दोन रुळांच्या मध्ये अडकला. डोक्याला दुखापत झाल्यानं तो बेशुद्ध पडला. त्याचवेळी एक मालगाडी दिल्लीहून मुंबईला जात होती. 

जाको राखे साइयां मार सके ना कोई सवाई माधोपुर जिले में देर रात एक युवक के ऊपर से मालगाड़ी गुजर गई और युवक को खरोच तक नहीं आई । pic.twitter.com/gjUKOIaRwZ

— Raajeev Chopra (@Raajeev_Chopra) February 10, 2022

दलचंद रेल्वे रुळांच्या मधोमध पडला असताना संपूर्ण मालगाडी त्याच्यावरून गेली. यावेळी रुळांशेजारी मोठी गर्दी जमली होती. तसाच पडून राहा असा सल्ला अनेकजण दलचंदाला देत होते. मालगाडी गेल्यावर स्थानिकांनी तरुणांना उचललं आणि दुचाकीवरून सरकारी रुग्णालयात नेलं. या घटनेचा व्हिडीओ सोशल मीडियावर व्हायरल झाला आहे.