Viral Video:नाचताना इतका बेभान झाला नवरा की वधुच्या तोंडावरच मारली लाथ, नेटकऱ्यांची हसून पुरेवाट

सध्या असाच एक व्हिडिओ चर्चेत आहे. हा व्हिडिओ पाहिल्यावर तुम्हालाही हसू आवरता येणार नाही. हा व्हिडिओ भारतातला नव्हे तर परदेशातला दिसतोय. हा व्हिडिओ पाहिल्यावर या कपलसाठी त्यांचं लग्न आयुष्यभर आठवणीत राहण्यासारखं झालंय, असंच तुम्हीही म्हणाल.

सोशल मीडियावर कपलचे (Couple Video on Social Media) अनेक व्हिडिओ व्हायरल (Viral Video) होत असतात. त्यातले काही रोमँटिक (Romantic) असतात तर काही व्हिडिओ मजेशीर (Funny) असतात. एकमेकांची चेष्टामस्करी करणारे, सोबत डान्स करताना किंवा एखाद्याची फजिती करणारे व्हिडिओही आपल्याला पाहायला मिळतात. बऱ्याचदा आपल्या पार्टनरला (Partner) इम्प्रेस करण्याच्या नादात फजिती होणारे व्हिडिओ व्हायरल होतात. सध्या असाच एक व्हिडिओ चर्चेत आहे. हा व्हिडिओ पाहिल्यावर तुम्हालाही हसू आवरता येणार नाही. हा व्हिडिओ भारतातला नव्हे तर परदेशातला दिसतोय. हा व्हिडिओ पाहिल्यावर या कपलसाठी त्यांचं लग्न आयुष्यभर आठवणीत राहण्यासारखं झालंय, असंच तुम्हीही म्हणाल.

या व्हिडिओमध्ये दिसतंय की वधू (Bride) खुर्चीवर बसलेली आहे आणि नवरदेव (Groom) तिच्यासमोर डान्स करत आहे. दोघेही आपापल्या वेडिंग ड्रेसमध्ये (Wedding dress) कमालीचे सुंदर दिसत आहेत. पण त्यांचा लग्नाचा हा डान्स व्हायरल होऊन लोकांमध्ये इतका लोकप्रिय होईल, याची कल्पनाही त्यांनी केली नसेल. मुलगी खुर्चीवर बसलेली असते आणि मुलगा समोर उभा असतो. नंतर दोघेही नाचू लागतात. एका डान्स स्टेपनुसार (Dance Step) मुलाला पाय उचलून मुलीच्या डोक्यावर न्यायला सांगितलं जातं; पण ही स्टेप फसते आणि उपस्थितांमध्ये हशा पिकतो. कारण वराने तिच्या डोक्यावरून पाय न्यायला पाय वर उचलला; पण तो जास्त उंचावरून नेता न आल्याने त्याचा पाय वधूच्या तोंडावर जोरदार आदळला आणि वधूचं डोकं खाली आपटलं. या संदर्भात झी न्यूज हिंदीने वृत्त दिलंय.

हा व्हिडिओ सोशल मीडियावर खूप व्हायरल होत आहे. लग्न अशा वेगळ्या पद्धतीने आठवणीत राहील, असं या कपललादेखील वाटलं नसेल, अशा प्रतिक्रिया लोक या व्हिडिओवर देत आहेत. डान्स स्टेप फसल्यामुळे वराची फजिती झाली असली आणि वधूला लागलं असलं तरी नेटकरी मात्र स्वतःचं मनोरंजन (Entertainment) करून घेताना दिसत आहेत.

Le falta un poco de agilidad pic.twitter.com/TREJBWvwsk

— Los Negros Del Ataúd ⚰ (@NegrosConAtaud) June 11, 2022

या व्हिडिओला सोशल मीडियावर आतापर्यंत चार लाखांपेक्षा जास्त लोकांनी पाहिलंय. तर, अनेक नेटकऱ्यांनी व्हिडिओवर हसणाऱ्या इमोजी (Laughing Emoji) कमेंट केल्या आहेत. काहींनी या घटनेनंतर या कपलला त्यांचं लग्न आयुष्यभर लक्षात राहील, असंही म्हटलंय. एकंदरीतच फसलेल्या डान्स स्टेपमुळे व्हायरल झालेल्या या व्हिडिओची सोशल मीडियावर चांगलीच चर्चा असून लोक मोठ्या प्रमाणात हा व्हिडिओ शेअर करत आहेत.