जाऊ डबलसीट रे लांब लांब... पण असं? जरा थांब! स्टंटबाज कपलचा आणखी एक Video व्हायरल

एका कपलचा बाईकवर रोमान्स करतानाचा व्हिडीओ सोशल मीडियावर व्हायरल झाला आहे.

उत्तर प्रदेशची राजधानी लखनऊमध्ये स्कूटीवरून रोमान्स करतानाचा व्हिडीओ व्हायरल झाल्यानंतर आता हरदोईमध्येही असाच एक व्हिडीओ समोर आला आहे. यामध्ये एक तरुण पुढ्यात बसलेल्या आपल्या गर्लफ्रेंडसह भरधाव वेगाने बाईक चालवताना दिसत आहे. आता पोलीस बाईकच्या नंबरच्या आधारे या जोडप्याची माहिती गोळा करत असून अधिक तपास करत आहेत. 

उत्तर प्रदेशातील हरदोई जिल्ह्यात एका कपलचा बाईकवर रोमान्स करतानाचा व्हिडीओ आज सकाळीच समोर आला आहे. हा व्हिडीओ सीतापूर रोडवरील देहात कोतवाली येथील इटौली गावाजवळचा आहे. व्हिडीओमध्ये तरुण आपली प्रेयसी पुढे बसलेली असताना भरधाव वेगाने बाईक चालवताना दिसत आहे.

हरदोई:-
हरदोई के आमिर खान का Video Viral बाइक की टंकी पर युवती बैठाकर फरमा रहा था इश्क
मामले में एएसपी ने दिए जांच के आदेश
बोले एएसपी- अश्लीलता फैलाने की धारा के तहत प्राथमिकी दर्ज करके दोनों के खिलाफ की जाएंगी कार्रवाई pic.twitter.com/3M0Irkf8uy

— Amrit Vichar (@AmritVichar) February 21, 2023

कपल रोमान्स करतानाही दिसत आहेत. रस्त्याच्या मधोमध बाईकवर रोमान्स करतानाचा हा व्हिडीओ एका कारचालकाने मागून जाताना काढला. आता हा व्हिडीओ सोशल मीडियावर व्हायरल होत आहे. याआधी लखनौमध्ये स्कूटी आणि कारचं सनरुफ उघडून रोमान्स करणाऱ्या जोडप्याचा व्हिडीओ सोशल मीडियावर व्हायरल झाला होता.

व्हिडिओ समोर आल्यानंतर दोन्ही प्रकरणांवर कारवाई करण्यात आली. आता हरदोई जिल्ह्यात बाईकवर कपलच्या रोमान्सचा व्हिडीओ व्हायरल झाल्यानंतर, व्हायरल व्हिडिओमधील बाइक नंबरच्या आधारे पोलीस दोघांचा शोध घेत आहेत. पोलिसांनी दिलेल्या माहितीनुसार, बाईकचा नंबर ट्रेस होताच या जोडप्यावर कायदेशीर कारवाई केली जाईल. एका हिंदी वेबसाईटने याबाबतचे वृत्त दिले आहे. 

सर्व ठळक बातम्यांसाठी जरूर वाचा महाराष्ट्रातील अव्वल मराठी वेबसाईट "लोकमत डॉट कॉम"