Viral Photo: पाहावं ते नवलच! टॉयलेटमध्ये दिसला शार्कचा जबडा, फोटोवर धमाल कमेंट्सचा धुरळा

सोशल मीडियावर कधी काय व्हायरल होईल, सांगता येत नाही

Viral Picture of Shark Open Mouth in Toilet: इंटरनेटचे जग खूप विचित्र आहे. इथे कधी बघायला मिळेल सांगता येत नाही. अनेकवेळा असे व्हिडिओ आणि फोटो समोर येतात, जे पाहून स्वत:च्या डोळ्यांवर विश्वास ठेवणे कठीण होऊन जाते. नुकताच सोशल मीडियावर असाच एक फोटो लोकांना आश्चर्यचकित होण्यास भाग पाडत आहे. तो फोटो पाहून तुम्हीही एका मिनिटासाठी नक्कीच गोंधळून जाल. हा फोटो RPG ग्रुपचे अध्यक्ष हर्ष गोयंका यांनी सोशल मीडिया प्लॅटफॉर्मवर शेअर केला आहे. त्यामध्ये टॉयलेटमध्ये शार्कचे डोके लावले असून त्याचा जबडा उघडा असल्याचे दिसत आहे.

व्हायरल होत असलेला हा मजेशीर 'शार्क टॉयलेट' फोटो पाहून यूजर्सही थक्क झाले आहेत. हे चित्र अतिशय अनोखे पण विचित्र आहे. चित्रात टॉयलेटमध्ये एक मोठा शार्क दिसत आहे. त्याने आपले भले मोठे तोंड उघडले आहे. पुरुषांसाठी वापरात असलेल्या या टॉयलेटमध्ये दिसणारा हा शार्क पाहून असे वाटते की खरोखरच एखाद्या धोकादायक शार्कने आपला जबडा उघडला असून तो आता कुणालाही गिळण्याच्या तयारीत आहे. तुम्हीच विचार करा, जर एखादी व्यक्ती अचानक टॉयलेटच्या आत आली आणि त्याने असे काही पाहिले तर त्यांना नक्कीच धक्का बसेल. पाहा फोटो-

Why would anyone do this 😬? pic.twitter.com/Ym1eC2J98e

— Harsh Goenka (@hvgoenka) February 12, 2023

हा मजेदार आणि अनोखा 'टॉयलेट शार्क' फोटो RPG ग्रुपचे चेअरमन हर्ष गोयंका यांनी @hvgoenka या ट्विटर हँडलवरून सोशल मीडिया प्लॅटफॉर्मवर शेअर केला आहे. या फोटोला आतापर्यंत 144.9K व्ह्यूज मिळाले आहेत, तर १ हजारांहून अधिक लोकांनी या फोटोला लाईक केले आहे. फोटो शेअर करताना कॅप्शनमध्ये लिहिले आहे की, 'कोणी असं का करेल?' त्यांच्या व्हायरल होत असलेल्या या पोस्टवर यूजर्स वेगवेगळ्या प्रतिक्रिया देत आहेत. एका यूजरने लिहिले की, 'हा शार्क टँक फोबिया आहे. कदाचित हा अनुपमच्या ऑफिसचा फोटो असेल.' दुसर्‍या युजरने लिहिले की, 'एखादा व्यक्ती असे काही तरी पाहून मग उघड्यावरच जाणे पसंत करेल.' आणखीही काही भन्नाट कमेंट्स करण्यात आल्या आहे.