VIDEO: क्रॅश होण्याआधीच प्रवाशांनी विमानातून मारल्या उड्या आणि मग....
By ऑनलाइन लोकमत | Published: March 16, 2024 12:14 PM2024-03-16T12:14:31+5:302024-03-16T12:15:02+5:30
Plane Crash Video : यात दिसत आहे की, एक विमान क्रॅश होत आहे, पण त्याआधीच त्यातील प्रवासी जीव वाचवण्यासाठी बाहेर उड्या मारतात.
VIDEO: क्रॅश होण्याआधीच प्रवाशांनी विमानातून मारल्या उड्या आणि मग....
Plane Crash Video : प्लेन क्रॅश होण्याच्या अनेक घटना नेहमीच समोर येत असतात. कधी कधी यांचे व्हिडीओ मनात धडकी भरवणारे असतात. असाच एक प्लेन क्रॅशचा धक्कादायक व्हिडीओ समोर आला आहे. हा व्हिडीओ सोशल मीडियावर व्हायरल झाला आहे. हा व्हिडीओ पाहून तुम्हीही हैराण व्हाल. यात दिसत आहे की, एक विमान क्रॅश होत आहे, पण त्याआधीच त्यातील प्रवासी जीव वाचवण्यासाठी बाहेर उड्या मारतात. नक्कीच असा नजारा तुम्ही फक्त एखाद्या सिनेमात पाहिला असेल.
ट्विटर अकाऊंट @interesting_aIl वर नेहमीच हैराण करणारे व्हिडीओ पोस्ट केले जातात. नुकताच या अकाऊंटवर एक व्हिडीओ पोस्ट करण्यात आला आहे. जो फारच भयावह आहे. व्हिडिओत एक प्लेन क्रॅश होताना दिसत आहे. तेव्हाच काही प्रवासी त्यातून उड्या मारतात. हे प्लेन कोणतं होतं हे समजू शकलं नाही.
Passengers eject from plane just before it crashes pic.twitter.com/DNJZ9fGxem
— All things interesting (@interesting_aIl) March 15, 2024
व्हिडिओत तुम्ही बघू शकता की, प्लेन एका वस्तीच्या वरून जात आहे. बरेच लोक खालून विमान बघत आहेत. बघता बघता विमान खाली येतं. लोक उड्या मारतात आणि काही सेकंदात मोठा धमाका होतो आणि धुराळे लोळ उठतात. यातील लोकांनी पॅराशूटच्या माध्यमातून खाली उड्या मारल्या. व्हिडीओ रेकॉर्ड करणारे लोक हा नजारा बघून ओरडू लागतात आणि घाबरलेले आहेत. प्लेन एका जंगलात जाऊन पडतं.
या व्हिडिओला आतापर्यंत 1 कोटी व्ह्यूज मिळाले आहेत. तर शेकडो लोकांनी यावर कमेंट केल्या आहेत. एकाने लिहिलं की, जेवढ्या लोकांनी उड्या मारल्या त्यातील 2 लोकांचा जीव वाचू शकला नाही. एकाने लिहिलं की, त्या लोकांना कसं समजलं की, प्लेन क्रॅश होणार आहे.