मी पुन्हा येईन... कर्मचाऱ्याने असा काही राजीनामा दिला की, होईल २०१९ च्या निवडणुकीची आठवण

Social Viral News: अनेकदा सोशल मीडियावर राजीनाम्याची चित्र-विचित्र लेटर, गोष्टी व्हायरल होत असतात. या कर्मचाऱ्याने मॅनेजर आणि सहकारी कर्मचाऱ्यांचे आभार मानले आहेत. 

महाराष्ट्रात विधानसभा निवडणुकीचे वारे सुरु झाले आहेत. २०१९ मध्ये झालेल्या शह काटशहाच्या राजकारणानंतर 'मी पुन्हा येईन'च्या घोषणा चर्चेत होती. ती नंतर अडीज वर्षांनी खरीही ठरली. परंतू, आता पुन्हा निवडणूक काळात आठवण यावी अशी गोष्ट सोशल मीडियावर व्हायरल होत आहे. एका कर्मचाऱ्याने नोकरीचा राजीनामा देताना ...तर मी पुन्हा येईन असे या राजीनाम्यात लिहिले आहे. 

अनेकदा सोशल मीडियावर राजीनाम्याची चित्र-विचित्र लेटर, गोष्टी व्हायरल होत असतात. पुण्यात गेल्या वर्षी एकाने राजीनामा देऊन नोकरी सोडताना वाजतगाजत घोड्यावरून वरात काढली होती, तो किस्सा सर्वांच्या लक्षात असेलच. आताचा हा राजीनामा परदेशातील असला तरी त्यात त्याने केलेला मी पुन्हा येईनचा उल्लेख लोकांचे लक्ष वेधून घेत आहे. 

व्हायरल होत असलेल्या या लेटरच्या फोटोत या कर्मचाऱ्याने म्हटले आहे की, मला एका कंपनीत नवीन नोकरी मिळाली आहे. मला त्या ठिकाणी ट्राय करून पहायचे आहे. जर तिथे गोष्टी हव्या तशा घडल्या नाहीत तर मी इथे पुन्हा येईन, असे या कर्मचाऱ्याने म्हटले आहे.  यानंतर या कर्मचाऱ्याने मॅनेजर आणि सहकारी कर्मचाऱ्यांचे आभार मानले आहेत. 

या पत्राच्या पोस्टला आतापर्यंत ३८ हजार लोकांनी लाईक केले आहे. तसेच लोक त्याच्या पत्रावरून मजा घेत आहेत.