Ice Cream Prank Viral Video: आइसक्रीम वाल्याने चिमुरडीला रडवलं! रागाने लालबुंद झालेल्या मुलीने मग काय केलं पाहा...

आइसक्रीम प्रँकचे अनेक व्हिडीओ पाहून आपल्याला हसू येतो, पण या व्हिडीओ काही वेगळंच घडलं

Ice Cream Prank goes wrong Viral Video: सोशल मीडियावर अनेक प्रकारचे व्हिडिओ व्हायरल होतात. तुम्हीही सोशल मीडिया अकाउंटवर एक्टिव्ह असाल तर तुम्ही अनेक वेळा असे काही व्हिडिओ पाहिले असतील जे तुम्हाला खूप हसवतात. काही वेळा तर ठराविक व्हिडिओ इतके मजेदार वाटतात की, ते नवीन व्हिडिओ नसले तरीही पुन्हा-पुन्हा पाहावेसे वाटतात. हल्ली आइसक्रीम प्रँकचे व्हिडीओ अनेकदा पाहायला मिळतात. त्यातील आइसक्रीम खरेदी करणाऱ्याची होणारी फजिती पाहून नक्कीच हसू आवरणं कठीण असते. पण सध्या सोशल मीडियावर व्हायरल होत असलेल्या व्हिडिओमध्ये आईस्क्रीम विक्रेत्याची कृती पाहून तुम्हाला काही वेळासाठी त्याचा नक्कीच राग येऊ शकतो.

व्हायरल होत असलेला व्हिडिओ मंगळवारी ट्विटरवर पोस्ट करण्यात आला आहे. या व्हिडिओला आतापर्यंत ८२ हजारांहून अधिक व्ह्यूज आणि ३ हजारांहून अधिक लाइक्स मिळाले आहेत. या ३४ सेकंदांच्या व्हिडिओमध्ये लग्नात पोहोचलेली मुलगी आईस्क्रीम खायला पुढे येते, पण तिच्यासोबत असे काही घडते ज्यामुळे मुलगी इतकी अस्वस्थ होते आणि रडू लागते. मुलीचा अक्षरश: तिळपापड होतो. ती आईस्क्रीम वाल्याकडे रागीट नजरेने बघू लागते. मुलगी चिडते कारण आईस्क्रीम विक्रेता त्या मुलीची वारंवार फजिती करत असतो. ती आईस्क्रीम घ्यायला जाते पण दरवेळ आइसक्रीम न मिळता नुसताच कप हाती येतो. त्यामुळे ती प्रचंड चिडते. अखेर तिच्यासोबतचा एक माणूस तिला उचलून घेतो आणि शांत करत आइसक्रीम मिळवून देतो. पाहा व्हिडीओ-

क्यों परेशान कर रहे हो बेचारी को 😂👏😎 pic.twitter.com/V5slqNAqwr

— ज़िन्दगी गुलज़ार है ! (@Gulzar_sahab) November 22, 2022

आइस्क्रीम प्रँक सध्या ट्रेंडमध्ये

सोशल मीडियावर आजकाल मुलांसोबत आईस्क्रीम प्रँक खूप ट्रेंडमध्ये आहे. आईस्क्रीमचा कोन मुलाच्या दिशेने केला जातो, परंतु प्रत्यक्षात मुलाला आईस्क्रीम अजिबात मिळत नाही. अशा प्रँक व्हिडीओमध्ये वेगवेगळ्या मुलांच्या वेगवेगळ्या प्रतिक्रिया असतात. बर्‍याच वेळा मुले आईस्क्रीम वाल्यावर इतके चिडतात की आईस्क्रीम वाल्याचा रिकामा कोन फेकून देतात. पण काही मुले इतकी गोंडस प्रतिक्रिया देतात की लोक ते व्हिडीओ वारंवार पाहत राहतात.