विराट-हार्दिकची नेट्समध्ये धम्माल मस्ती, Video पाहून तुम्हालाही नक्कीच येईल हसू

Virat Hardik Fun: पहिल्या वन डे साठी नेट्समध्ये सराव सुरू असतानाचा व्हिडीओ व्हायरल

Virat Kohli Hardik Pandya Fun Video, IND vs WI 1st ODI: भारतीय क्रिकेट संघ वेस्ट इंडिज विरुद्धच्या पहिल्या एकदिवसीय सामन्यासाठी सज्ज झाला आहे. दोन्ही संघांमधील तीन एकदिवसीय मालिकेतील पहिला सामना बार्बाडोस येथे होणार आहे. या सामन्यासाठी टीम इंडियाच्या खेळाडूंनी नेटमध्ये कसून सराव केला. भारतीय वन डे संघातील अष्टपैलू खेळाडू हार्दिक पांड्या नेटमध्ये सराव करताना आणि जोरदार गोलंदाजी करताना दिसला. नेटमध्ये हार्दिक पांड्यानेविराट कोहलीलाही गोलंदाजी दिली, ज्याचा एक व्हिडिओ सोशल मीडियावर चांगलाच व्हायरल होत आहे.

व्हिडिओ दिसत असल्याप्रमाणे, विराटने हार्दिकच्या बॉलवर 'चाबूक शॉट' मारल्याचे दिसून येते. हे पाहून हार्दिक थोडा निराश होते आणि पुन्हा गोलंदाजी करायला वळतो. हार्दिक पुन्हा लाइन अपमध्ये परतताच विराट हार्दिकला चिडवताना दिसतो आणि भन्नाट नाचताना दिसतो. विराट कोहलीचा सराव दरम्यान हार्दिकसोबत मस्ती करतानाचा हा व्हिडीओ चांगलाच व्हायरल होत असून चाहत्यांनाही तो खूप आवडला आहे. पाहा व्हिडीओ-

Hardik pandya and virat kohli this funny duo!😂♥️ pic.twitter.com/6DjHog5fDs

— Prasann tank (@Bphotographer19) July 27, 2023

हार्दिक संघासाठी अष्टपैलू खेळाडू म्हणून खेळणार आहे. भारतीय संघासाठी तो फलंदाजी सोबतच गोलंदाजीमध्येही महत्त्वाची भूमिका बजावतो. गेल्या काही महिन्यांपासून तो संघाचा उपकर्णधार म्हणूनही जबाबदारी पार पाडत आहे. तसेच रोहित शर्माच्या अनुपस्थितीत त्याने अनेकदा संघात नेतृत्व देखील केले आहे. विंडिज दौऱ्यातील कसोटी मालिकेसाठी हार्दिक संघाचा भाग नव्हता. त्यामुळे भारतासाठी दौरा खूप आधीच सुरू झाला असला तरी हार्दिकसाठी हा दौरा आजपासून सुरू होणार आहे. त्यामुळे हार्दिकच्या कामगिरीकडे साऱ्यांचेच लक्ष असणार आहे.