Virat Kohli, IPL 2023: मुँह फोडबा का... धमाका हुई गवा.... विराट कोहलीवर चढला 'भोजपुरी फिव्हर', पाहा भन्नाट Viral Video

विराटचा हा व्हिडीओ केवळ क्रिकेट चाहतेच नव्हे तर सर्वच स्तरात व्हायरल होतोय

Virat Kohli, Bhojpuri: विराट कोहलीची बॅट सध्या चांगलीच जोरदार चालली आहे. पण यासोबतच त्याच्यावर भोजपुरी फिव्हरही चढल्याचे दिसत आहे. विराट कोहली स्वत: मारलेला फटका पाहून चक्क भोजपुरी बोलण्याचा प्रयत्न करताना दिसला आहे. खरं तर, आयपीएल हिंदी, इंग्रजी, पंजाबी, भोजपुरी यासह अनेक भाषांमध्ये डिजिटल प्लॅटफॉर्मवर दाखवले केले जात आहे. भोजपुरी भाषेत केली जाणारी कॉमेंट्रीही लोकांना भरपूर आवडते. IPLच्या भोजपुरी कॉमेंट्रीने रॉयल चॅलेंजर्स बंगळुरूचा स्टार विराट कोहलीलाही वेड लावले आहे. त्याचा एक व्हिडिओ सोशल मीडियावर खूप व्हायरल होत आहे, ज्यामध्ये त्याने भोजपुरी कॉमेंट्रीवर प्रतिक्रिया दिली आणि स्वतःचे फटके पाहून भोजपुरी कॉमेंट्रीची नक्कल केली आहे.

Virat kholi on bhojpuri 😂😂😂 .bhojpuri now on international stage .#bhojpuricommentary#bhojpuri#ViratKohli#ViratKohli𓃵#IPL2O23#JioCinema#BhojpuriTwitter#aajtak#BreakingNews#Cricketpic.twitter.com/n20YWzN4RW

— कुशाग्र क्षत्रिय👑🙏🚩 (@KUSHAGRANIKUMBH) April 20, 2023

या दरम्यान कोहलीने त्यानेच मारलेला दमदार शॉट पाहून मुँह फोडबा का... असं बोलल्याचं दिसलं. त्याचा व्हिडिओ मोठ्या प्रमाणात व्हायरल होत आहे. कोहलीच्या तोंडून भोजपुरी ऐकल्यानंतर सारेच या व्हिडीओची मजा घेत आहेत. IPLच्या या मोसमातील कोहलीच्या कामगिरीबद्दल बोलायचे झाले तर त्याच्या बॅटमधून सतत धावा येत आहेत. त्याने 6 सामन्यात 4 अर्धशतकेही ठोकली आहेत.

कोहलीला पुन्हा मिळाला कर्णधारपदाचा मान

RCB बद्दल बोलायचं तर, 6 सामन्यात 3 विजय आणि 3 पराभवांसह, ते पॉइंट्स टेबलमध्ये 5 व्या स्थानावर आहेत. कोहलीने पंजाब किंग्ज विरुद्ध आरसीबीचे नेतृत्व केले. या सामन्यात त्याच्या संघाने 24 धावांनी विजय मिळवला. या सामन्यात कोहलीने 59 धावा केल्या आणि नियमित कर्णधार फाफ डू प्लेसिसने 84 धावा केल्या. दोघांमध्ये १३७ धावांची मोठी भागीदारी झाली.