Video : उफ ये गरमी… महिलेनं चक्क कारच्या बॉनेटवरच भाजली चपाती
By ऑनलाइन लोकमत | Published: April 27, 2022 05:33 PM2022-04-27T17:33:15+5:302022-04-27T17:34:44+5:30
सध्या देशात उकाड्यानं सर्वच जण हैराण झाले आहे. उष्णतेच्या लाटेचा परिणाम देशभरात सर्वत्रच दिसून येतोय.
Video : उफ ये गरमी… महिलेनं चक्क कारच्या बॉनेटवरच भाजली चपाती
Next Viral Video : सध्या देशात उकाड्यानं सर्वच जण हैराण झाले आहे. उष्णतेच्या लाटेचा परिणाम देशभरात सर्वत्रच दिसून येतोय. अनेक ठिकाणी तापमान आता ४० अंश सेल्सिअसच्या पुढे गेल्याचं आपण ऐकलं असेल. ओडिशा हे राज्यही त्याला काही अपवाद नाही. ओडिशातही तापमान आता ४० अंश सेल्सिअसच्या वर गेलंय आणि इतकंच नाही, तर उन्हाच्या झळाही इतक्या बसतायत की लोक स्टोव्हशिवाय स्वयंपाकही करू शकतायत.
अशातच भर उन्हात ओदिशातील सोनपूर येथील एक महिला कारच्या बोनेटवर चपाती भाजतानाची घटना कॅमऱ्यात कैद झाली आहे. सध्या सोशल मीडियावर एक व्हिडीओ मोठ्या प्रमाणात व्हायरल होत आहे. यात एक महिला ४० अंश सेल्सिअसच्या गरमीत कारच्या बॉनेटवर चपाती भाजताना दिसतेय.
Scenes from my town Sonepur. It’s so hot that one can make roti on the car Bonnet 😓 @NEWS7Odia#heatwaveinindia#Heatwave#Odishapic.twitter.com/E2nwUwJ1Ub
— NILAMADHAB PANDA ନୀଳମାଧବ ପଣ୍ଡା (@nilamadhabpanda) April 25, 2022
ट्विटर युजर नीलमाधब पांडा यांनी व्हिडीओ शेअर केला आहे. “माझ्या गावातील सोनपूरचे दृश्य. त्या ठिकाणी इतकी गरमी आहे की गाडीच्या बॉनेटवर चपातीही तयार करता येतेय.” असं त्यांनी लिहिलं आहे. यापूर्वीही असे काही व्हिडीओ व्हायरल झाले होते. एका व्यक्तीनं उन्हात उभ्या असलेल्या आपल्या स्कूटरवर पोळा तयार केल्याचा व्हिडीओही मोठ्या प्रमाणात व्हायरल झाला होता.