Groom Jugaad Viral Video: भन्नाट जुगाड! नवरदेवाने घोड्यावर स्वार होण्याऐवजी मारली अनोखी एन्ट्री

वधूची इच्छा पूर्ण करण्यासाठी नवरदेवाचा खास अंदाज

Groom Jugaad Viral Video: भारतात वर जेव्हा वधूच्या घरी वरात घेऊन पोहोचतो त्यावेळी तो घोडीवर बसून वाजत-गाजत येतो. हिंदू धर्मात घोड्यावर स्वार होण्याची प्रथा आहे. पण नुकताच सोशल मीडियावर एक व्हिडीओ व्हायरल होत आहे ज्यामध्ये वराची एन्ट्री वेगळी आणि धमाकेदार आहे. व्हिडिओ पाहून तुम्हालाही हसू येईल. वराची विचारसरणी तुम्हाला खरंच आश्चर्यचकित करेल आणि त्याच्या जुगाडू स्टाईलने तुम्हीदेखील त्याचे चाहते व्हाल.

वराचा असा व्हिडिओ तुम्ही याआधी क्वचितच पाहिला असेल. व्हिडीओच्या कॅप्शनमध्ये लिहिले आहे की, मी नेहमीच प्राण्यांना त्रास न देता लग्नाची योजना आखली होती. लग्नसमारंभात जनावरांना जड कपडे घातले जातात आणि कधी कधी दारू पिण्यास भाग पाडले जाते हे मी पाहिले आहे. त्यामुळे वराची एंट्री जनावरांना त्रास न देता व्हावी अशी माझी इच्छा होती अन् माझ्या नवऱ्याने ती इच्छा पूर्णदेखील केली. वधूने तिच्या इच्छेबद्दल वराला सांगितले आणि वराने त्याच्या कुटुंबाला वधूची इच्छा पटवून दिली. त्यानुसार विधी घोडीशिवाय पार पडला. घोडीऐवजी वर आपल्या भावाच्या खांद्यावर बसून स्टेजवर आला. कोविड महामारीच्या काळात वधू-वरांचे लग्न झाले होते, असेही कॅप्शनमध्ये वधूने म्हटले आहे. या व्हिडिओमध्ये प्रत्येकाच्या चेहऱ्यावर लग्नाचा आनंदही पाहायला मिळाला. Viral Video मध्ये पाहा नवरदेवाने नक्की काय केला जुगाड-

View this post on Instagram

A post shared by @furry_angels16

वराने केलेल्या या अनोख्या जुगाडाची चांगलीच चर्चा रंगली आहे. ही स्टाईल नेटकऱ्यांना चांगलीच भावली आहे. हा व्हिडिओ इन्स्टाग्रामवर शेअर करण्यात आला आहे. हा व्हिडिओ हजारो वेळा पाहिला गेला आहे. कमेंट सेक्शनमध्ये अनेक जण वेगवेगळ्या प्रतिक्रिया देताना दिसले आहेत. इतकेच नाही तर काहींनी हार्टचे इमोजीही पोस्ट केले आहेत.