लँडिग करण्याआधीच महिला उघडत होती विमानाचा दरवाजा, आवरताना क्रु मेंबर्सच्या नाकी आले नऊ

काहीजण असे असतात की आपल्या कृत्याने इतरांच्या नाकी नऊ आणतात. अशांना कसा आवर घालायचा हाच प्रश्न उभा राहतो. अशाच एका महिलेचा एक व्हिडिओ सध्या सोशल मिडियावर व्हायरल होतोय. या महिलेने विमान चालू असताना चक्क विमानाचा दरवाजा उघडण्याचा प्रयत्न केला आहे. तिला आवर घालताना क्रु मेंबर्सची चांगलीच दमछाक झाली.
अमेरिकन एअरलाइन्सच्या एका फ्लाइटमधील ही धक्कादायक घटना. हे विमान टेक्सासहून नॉर्थ कॅलिफोर्नियाला जात होतं. विमान हवेतच होतं, तेव्हा एक महिला प्रवासी विमानाच्या दरवाजाजवळ गेली आणि तिने दरवाजा उघडण्याचा प्रयत्न केला त्यानंतर क्रू मेंबर्सनी महिलेवर कारवाई केली. या महिलेने स्वत: सोबतच इतरही प्रवाशांचा जीव धोक्यात घातला आहे.

American Airlines passenger duct-taped to seat after trying to open aircraft door midflight. Video by lol.ariee https://t.co/4Awon2l0czpic.twitter.com/wAMM8FDE0a

— Breaking Aviation News & Videos (@aviationbrk) July 11, 2021

ब्रेकिंग एव्हिएशन न्यूज अँड व्हिडीओ या ट्विटर अकाऊंटवर हा व्हिडीओ शेअर करण्यात आला आहे. या व्हिडीओत तुम्ही पाहू शकतात काही प्रवासी विमानात चालत आहे. त्याचवेळी एका महिलेचा ओरडण्याचाही आवाज येत आहे. व्हिडीओच्या मध्येच एका महिलेला सीटला बांधल्याचीह दिसत आहे. ही तीच महिला आहे. हा व्हिडीओ पाहिल्यानंतर त्यावर बऱ्याच प्रतिक्रिया उमटत आहेत.