Video : महिलेकडून लुटले हजारो रूपये, तरीही चोराचं होत आहे कौतुक!

सध्या सोशल मीडियावर एका चोराची चर्चा चांगलीच होत असून त्याच्या मोठ्या मनाचंही कौतुक केलं जात आहे.

(Image Credit : Herald Sun)

सध्या सोशल मीडियावर एका चोराची चर्चा चांगलीच होत असून त्याच्या मोठ्या मनाचंही कौतुक केलं जात आहे. चीनच्या हेयान शहरातील चोरीचं एक अनोखं प्रकरण समोर आलं आहे. इथे एक महिला एटीएममधून पैसे काढत होती. अचानक तिच्याजवळ एक चोर आणि चाकूचा धाक दाखवून त्याने तिच्याकडील एटीएममधून काढलेली रक्कम(२६ हजार रूपये) हिसकावून घेतले. इतकेच नाही तर या चोराने महिलेकडून आणखीही पैसे उकळण्याचा प्रयत्न केला. पण त्याने महिलेला अकाउंटमधील शिल्लक रक्कम दाकवण्यासही जबरदस्ती केली. 

आधी व्हिडीओ बघा

महिला सुद्धा चाकूच्या धाकाने घाबरलेली होती. तिने भीतीमुळे चोराला तिचं बॅलन्स दाखवलं. पण चोर ते पाहून हैराण होतो. कारण या महिलेल्या अकाउंटमध्ये बॅलन्स नावाची काही गोष्टच नव्हती. म्हणजे तिच्या अकाउंटमध्ये बॅलन्सच नव्हतं. मग काय.... चोराने मोठ्या मनाने महिलेला तिच्याकडून घेतलेल्या २६ हजार रूपयांपैकी १६ हजार रूपये परत करतो. 

जिंकली लोकांची मने

चोराने भलेही मोठं मन दाखवलं असेल पण चोरी ती शेवटी चोरीच. त्यामुळे पोलिसांनी या चोराला ताब्यात घेतले. पण सोशल मीडियावर या चोरीचा व्हिडीओ व्हायरल झाला आहे. आणि हो अनेकजण चोराऱ्या मोठ्या मनाचं कौतुकही करत आहेत.