गुजरातच्या समुद्रातून बाहेर आला सिंह? फोटो व्हायरल होताच रंगली चर्चा, नक्की सत्य काय?

फोटो झटपट व्हायरल झाला असून प्राणीप्रेमींना भलताच आवडला आहे

Lion in Ocean in Gujarat: लोकांना प्राणी आवडतात परंतु अनेकदा काही प्राणी पाहणे हे दुर्मिळ असते. काही लोक प्राणीसंग्रहालयात किंवा जंगल सफारीमध्ये वन्य प्राणी किंवा सहसा सार्वजनिक ठिकाणी न दिसणारे प्राणी पाहण्यासाठी जातात. मात्र, नुकतेच इंटरनेटवर एक अनोखे आणि दुर्मिळ चित्र समोर आले आहे. त्यात गुजरातमधील जुनागढ येथे अरबी समुद्राच्या किनाऱ्यावर एक सिंह उभा असल्याचे दिसत आहे. हा सिंह समुद्रातूनच बाहेर आल्यासारखा एक फोटो सध्या व्हायरल झाल्याने त्याची तुफान चर्चा सुरू आहे.

सिंहाचा फोटो @CCFJunagadh ने ट्विटरवर शेअर केला आहे. त्वरीत व्हायरल झालेल्या अज्ञात चित्रामध्ये हा सिंह अरबी समुद्राजवळ उभा राहून समुद्राच्या लाटांचा आनंद घेताना दिसतोय. तो असा उभा आहे की जणू काही तो समुद्रातूनच बाहेर आला आहे.

When #Narnia looks real. A lion king captured enjoying tides of Arabian Sea on Gujarat coast. Courtesy: CCF, Junagadh. pic.twitter.com/tE9mTIPHuL

— Parveen Kaswan, IFS (@ParveenKaswan) October 1, 2023

फोटोमागचं सत्य काय?

जुनागढमधील मुख्य वनसंरक्षकांनी ट्विटरवर हे चित्र शेअर केले आहे. भाद्रपद पोर्णिमेला वन अधिकारी गस्त घालत असताना दर्या कंठा भागात हा सिंह समुद्राच्या किनाऱ्यावर दिसल्याचे सांगण्यात आले. भारतीय वन सेवेचे अधिकारी परवीन कासवान यांनी हा फोटो शेअर केला आहे. या फोटोतील सिंहाची तुलना त्यांनी नार्नियाशी केली आहे. त्यांनी कॅप्शनमध्ये लिहिले आहे की, सिंह हा राजासारखा दिसत होता जो गुजरातच्या किनारपट्टीवर अरबी समुद्राच्या भरतीचा आनंद घेत होता.

ભાદરવા પૂનમ પેટ્રોલિંગ દરમ્યાન દરિયા કાંઠા વિસ્તારમાં સિંહ જોવા મળ્યુ pic.twitter.com/kFM1hP11yz

— CCFJunagadh (@JunagadhCcf) September 30, 2023

ट्विटरवर "लिव्हिंग ऑन द बीच: द हॅबिटॅट ऑफ द एशियाटिक लायन्स" या वैज्ञानिक अहवालावर चर्चा सुरू होती. मथळ्याने स्वारस्य असलेल्या लोकांना हा अहवाल वाचण्यास प्रोत्साहित केले. त्याने एशियाटिक सिंहांबद्दल माहिती दिली. हा अहवाल मोहन राम आणि इतरांनी लिहिला आणि नेचर जर्नलमध्ये प्रकाशित केला गेला. हे फोटो सोशल मीडियावर झटपट व्हायरल झाले असून प्राणीप्रेमींना भलतेच आवडले आहे.