VIDEO : २ सिंहांनी केला होता हल्ला, पण बैलाने हुशारीने त्यांना पळून जाण्यास भाग पाडलं

Lions Vs Ox video : ही संपूर्ण घटना जवळच लागलेल्या सीसीटीव्हीमध्ये कैद झाली. या घटनेचा व्हिडीओ सोशल मीडियावर व्हायरल झाला आहे.

गुजरातमध्ये दोन सिंह एका गावात शिरले होते आणि त्यांना एका बैलाची शिकार करायची होती. पण जसे ते बैलाकडे वळले बैल सतर्क झाला आणि सिंहाना रिकाम्या हाती परतण्यास भाग पाडलं. ही संपूर्ण घटना जवळच लागलेल्या सीसीटीव्हीमध्ये कैद (Lions Vs Ox video) झाली. या घटनेचा व्हिडीओ सोशल मीडियावर व्हायरल (Viral Video) झाला आहे.

रिपोर्ट्सनुसार, ही घटना जूनागढच्या मोटा हडमतिया गावातील आहे. इथे रात्रीच्या अंधारात दोन सिंह गावात घुसले होते. एका बैलाला एकटं पाहून त्याच्यावर त्यांनी हल्ला करण्याचा प्रयत्न केला. पण बैलाने त्यांना तशी कोणतीही संधी दिली नाही. ते बैलाला स्पर्शही करू शकले नाहीत. बैल आपल्या शिंगानी त्यांना दूर पळवण्यात यशस्वी ठरतो.

ही अशी पहिलीच घटना नाही की, एखाद्या गावात अशाप्रकारची घटना झाली. याआधीही या गावात सिंह आले होते. गिरच्या जंगलाच्या आजूबाजूच्या रहिवाशी भागात नेहमीच जंगली प्राणी खाण्याच्या शोधात जातात. ते गावातील प्राण्यांची नेहमीच शिकार करतात. पण यावेळी बैलाने सिंहांना त्यांच्या उद्देशात यशस्वी होऊ दिलं नाही.