Video: चिमुरडीने स्टेजवर येत बोबड्या आवाजात गायलं गाणं, गायिका स्वत:च झाली थक्क

लहान मुलगी स्टेजवर आल्यावर आस्था गिलने तिच्या पुढे माईक केला अन्...

Pasoori Viral Video: सध्या तरूणाईच्या ओठांवर पसूरी हे गाणं बरेचदा असतं. हे गाणं गेल्या ३-४ महिन्यांत प्रचंड लोकप्रिय झालंय. ओडिशातील एका गाण्याच्या कार्यक्रमात या गाण्याची गायिका आस्था गिल (Aastha Gill) तेच गाणे गात होती. त्यावेळी एका चिमुरडीने स्टेजवर येऊन साऱ्यांना थक्क केलं. एका ब्लॉगरने इंस्टाग्रामवर शेअर केलेल्या व्हिडिओमध्ये, आस्था गिल स्टेजवर आलेल्या एका लहान मुलीला समोर उभी करते आणि माइकवर पसुरी गाण्याचे सुरुवातीचे बोल बोलून चिमुरडीकडे माईक वळवते. ती चिमुरडी पुढचे गाणे म्हणताच केवळ आस्था गिलच नव्हे तर समोर उपस्थित असलेले लोकही आश्चर्यचकित होतात आणि टाळ्या-शिट्ट्यांचा गजर करत चिमुरडीला प्रोत्साहन देऊ लागतात.

आस्था गिल अन् चिमुरडीचा व्हिडीओ व्हायरल

चिमुरडीच्या व्हिडिओने लोकांची मने जिंकली आहे. कटेंट क्रिएटर आणि इंस्टाग्राम युजर सुजित कुमार साहू यांनी हा व्हिडिओ शेअर केला आहे. 'अमेझिंग @aasthagill (Aastha Gill) with a amazing sweet girl', असे कॅप्शन लिहिले आहे. क्लिपच्या सुरुवातीला, लहान मुलगी स्टेजवर येताना आणि आस्था गिल तिच्यापुढ्यात गुडघ्यावर बसताना दिसते. दोघी एकत्र गाणे म्हणू लागतात. गाण्याचे बोल बोलण्याचा आणि गाण्याचा चिमुरडी प्रयत्न करते. तिच्या प्रयत्नाचा व्हिडिओ पाहून तुम्हीही थक्क व्हाल. पाहा व्हिडीओ-

View this post on Instagram

A post shared by Šűjîť Ķümāŕ Šähøø 😎 (@sujit_happy_7)

सोशल मीडियावर चिमुरडीची स्तुती

हा व्हिडिओ पोस्ट करण्यात आला तेव्हापासून हा व्हिडिओ शेअर केला जातोय आणि सोशल मीडियावर व्हायरल झाला असून ३ दशलक्षाहून अधिक वेळा पाहिला गेला आहे. या व्हिडिओला ३ लाखांहून अधिक लोकांनी लाईक केले असून त्यावर अनेक कमेंट्स आल्या आहेत. अनेकांनी 'क्यूट' म्हणत आपली प्रतिक्रिया दिली आहे. व्हिडिओला प्रतिसाद देताना आस्था गिलने हार्टच्या इमोजीसह व्हिडीओ शेअर केला आहे. तिने मूळ पोस्टवर लिहिले की, 'कृपया तिला सांगा की माझे ती चिमुरड्या मुलीवर खूप प्रेम आहे.' आस्थाच्या कमेंटला उत्तर देताना यूजरने लिहिले आहे की, 'हो मॅडम! ती खूप गोंडस आणि उत्साही आहेस. आणि तूदेखील खरोखर छान आहेस. खूप खूप धन्यवाद.'