700 रुपयांत थार? आनंद महिंद्रा म्हणाले, असे तर आमचे दिवाळे निघेल...

सेकंड हँड कारच्या किंमती चार-पाच वर्षांपूर्वीच्या नव्या कारच्या किंमतीएवढ्या झाल्या आहेत. असे असताना तरुणाईच  नाही तर बालबच्च्यांमध्ये प्रचंड क्रेझ असलेली महिंद्राची थार ही ऑफरोड एसयुव्ही जर ७०० रुपयांत मिळाली तर... 

आजकाल कारच्या किंमती आवाक्याबाहेर जाऊ लागल्या आहेत. इंधन तर कधीचेच आवाक्याबाहेर गेले आहे, पण कारही सामान्यांना घेणे परवडणारे राहिलेले नाहीय. सेकंड हँड कारच्या किंमती चार-पाच वर्षांपूर्वीच्या नव्या कारच्या किंमतीएवढ्या झाल्या आहेत. असे असताना तरुणाईच  नाही तर बालबच्च्यांमध्ये प्रचंड क्रेझ असलेली महिंद्राची थार ही ऑफरोड एसयुव्ही जर ७०० रुपयांत मिळाली तर... 

आनंद महिंद्रांनी एक व्हिडीओ पोस्ट केला आहे. यामध्ये चिकू नावाचा मुलगा त्याच्या इन्स्टा अकाऊंटवरील रीलमध्ये ७०० रुपयांत थार देण्याची मागणी करत आहे. या मुलाचा व्हिडीओ आनंद महिंद्रांना त्याच्या एका निकटवर्तीयाने पाठविला होता. यावर आनंद महिंद्रांनी या चिकुचे इन्स्टावरील अन्य व्हिडीओ देखील पाहिले आणि ते त्याच्या प्रेमातही पडले आहेत. परंतु, आनंद महिंद्रा चिकुला ७०० रुपयांत कार देणार का? असा सवाल सोशल मीडियावर विचारला जात आहे. तर नेटकऱ्यांनीही आनंद महिंद्रांकडे चिकुचा हट्ट पूर्ण करण्याचा ठेका धरला आहे. 

आनंद महिंद्रा यांनी या व्हिडीओवर ७०० रुपयांत थार दिली तर लवकरच आमचे दिवाळे निघेल असे म्हटले आहे. हा व्हिडिओ आनंद महिंद्रा यांनी मायक्रोब्लॉगिंग साइट X वर पोस्ट केला आहे. कॅप्शनमध्ये लिहिले - माझ्या एका मैत्रिणीने मला हा व्हिडिओ पाठवला आणि सांगितले - तिला चिकू आवडतो. ...म्हणून मी त्याचे काही व्हिडिओ Instagram (@cheekuthenoidakid) वर पाहिले आणि आता मी ही त्याच्या प्रेमात पडलो आहे! पण माझी एकच अडचण आहे की आम्ही महिंद्रा थार 700 रुपयांना विकायला सुरुवात केली तरी आम्ही लवकरच दिवाळखोर होऊ.

आनंद महिंद्रांच्या या पोस्टला आतापर्यंत 3 लाख 46 हजार व्ह्यूज आणि सात हजारांहून अधिक लाईक्स मिळाले आहेत. तर शेकडो युजर्सनी कमेंट केल्या आहेत.