एकच फाईट..! बॉक्सिंगच्या रिंगमध्ये जंगलाच्या राजाशी भिडला; पाहा धक्कादायक video...

हा व्हिडिओ सोशल मीडियावर प्रचंड व्हायरल होतोय.

Fight with lion: जंगली प्राण्याचा सामना करणे किंवा त्यांच्या जवळ जाणे जीवावर बेतू शकते. या प्राण्यांची गणना पृथ्वीवरील सर्वात हिंस्र प्राण्यांमध्ये केली जाते. हे प्राणी फक्त जंगलात किंवा प्राणीसंग्रहालयात दिसतात. अशा प्राण्याजवळ जाण्याचा तर कुणी विचारही करू नये. पण, सध्या एक असा व्हिडिओ सोशल मीडियावर व्हायरल होतोय, जो पाहून तुमच्या अंगाचा थरकाप उडेल किंवा तुम्ही विचारात पडाल.

बॉक्सिंगच्या रिंगमध्ये बॉक्सर एकमेकांना झुंज देताना पाहायला मिळते, मात्र या व्हिडिओमध्ये एक माणूस चक्क सिंहासोबत लढताना दिसतोय. सिंहदेखील त्या माणसाप्रमाणेच त्या व्यक्तीशी लढा देतोय. कधी सिंह त्याला खाली आदळतो, तर कधी तो सिंहाला वरचढ ठरतो. हा व्हिडिओ 1930 च्या दशकातील असल्याचे सांगण्यात येत आहे. पण, हा व्हिडिओ खरा आहे की, एडिट केलेला, याची पुष्टी लोकमत करत नाही.

Life before the internet (1930s) pic.twitter.com/E1cyCCY4WC

— Historic Vids (@historyinmemes) December 24, 2023

हा व्हिडिओ @historyinmemes नावाच्या आयडीने सोशल मीडिया प्लॅटफॉर्म इन्स्टाग्रामवर शेअर करण्यात आला आहे. एक मिनिट आणि 9 सेकंदांचा हा व्हिडिओ आतापर्यंत 13 मिलियन वेळा पाहिला गेला आहे, तर 83 हजारांहून अधिक लोकांनी व्हिडिओला लाईक देखील केले आहे. व्हिडिओ पाहून लोकांनी यावर वेगवेगळ्या प्रतिक्रिया दिल्या आहेत.