अरे बापरे! स्केटिंग करताना झाली गंभीर दुर्घटना; अंगावर काटा आणणारा 'तो' Video व्हायरल

Viral Video : स्केटिंग करणाऱ्या लोकांनीही विशेष काळजी घेण्याची गरज असते. यातही दुर्घटनेची शक्यता असतेच. सोशल मीडियावर सध्या असाच एक व्हिडीओ जोरदार व्हायरल होत आहे.

एखादा अपघात किंवा दुर्घटना कधीही सांगून होत नाहीत, हे तुम्हालाही चांगलंच माहिती असेल. त्यामुळे रस्त्यावर चालताना अतिशय सावध राहणं आवश्यक आहे. तुम्ही पाहिलं असेल की भरधाव वेगातील गाड्यांचे अनेकदा अपघात होतात. याच कारणामुळे लोकांना नेहमी गाडी कमी वेगात चालवण्याचा सल्ला दिला जातो. कारण फक्त गाडी चालवणाऱ्याचंच नाही तर अपघात झाल्यास दुसऱ्याचंही नुकसान होतं. यासोबतच रस्त्यावर स्केटिंग करणाऱ्या लोकांनीही विशेष काळजी घेण्याची गरज असते. यातही दुर्घटनेची शक्यता असतेच. सोशल मीडियावर सध्या असाच एक व्हिडीओ जोरदार व्हायरल होत आहे.

तुफान व्हायरल होत असलेल्या व्हिडीओमध्ये तरुणाला स्केटिंगची हौस भलतीच महागात पडल्याचं पाहायला मिळत आहे. एका व्यक्तीसोबत रस्त्यावर स्केटिंग करताना गंभीर दुर्घटना घडली. व्हिडिओमध्ये तुम्ही पाहू शकता की एक व्यक्ती रस्त्यावर अगदी वेगात स्केटिंग करत असतो. याचदरम्यान त्याचा बॅलन्स बिघडतो आणि अगदी जोरात तो स्केटबोर्डवरुन खाली घसरतो. वेगात स्केटिंग करत असल्यामुळे तो दूर जाऊन पडतो. सुदैवाने त्याने हेल्मेट घातलेलं असल्यानं डोक्याला मार लागत नाही. ज्या पद्धतीने हा व्यक्ती पडतो, ते पाहून अंदाज येतो की त्याला भरपूर मार लागला असेल.

हादसे कभी बताकर नहीं होंते.
इसलिए वाहन चलाते समय, खेल-कूद में एवं अपने कार्यक्षेत्र के अनुरूप सुझाए गए सुरक्षा उपकरण हमेशा अनुशासन के साथ पहनें.#SafetyFirst#Roadsafetypic.twitter.com/XtsJlyAenL

— Dipanshu Kabra (@ipskabra) March 5, 2022

आयपीएस अधिकारी दिपांशू काबरा यांनी हा व्हिडिओ आपल्या ट्विटर अकाऊंटवरुन शेअर केला आहे. कॅप्शनमधून त्यांनी लोकांना मोठी शिकवण दिली आहे. दुर्घटना कधीच सांगून होत नाहीत. त्यामुळे वाहन चालवताना, खेळताना तसंच काम करताना आपल्याला सुचवण्यात आलेली सुरक्षा उपकरणे नेहमी नियमांसह वापरा असं त्यांनी कॅप्शनमध्ये लिहिलं आहे. 

अवघ्या 5 सेकंदाचा हा व्हिडिओ आतापर्यंत 3 हजारांहून अधिक लोकांनी पाहिला आहे, तर शेकडो लोकांनी लाईक केला आहे. अनेकांनी या व्हिडीओवर निरनिराळ्या प्रतिक्रियाही दिल्या आहेत. एका युजरने व्हिडिओवर कमेंट करत लिहिलं, तुम्ही चूक केली नाही, तरी समोरचा चूक करू शकतो. त्याचीही काळजी घ्यावी लागते. सगळ्यांना विनंती करतो, रस्त्यावर सांभाळून चालत जा. दुर्घटनेपासून वाचा. एका हिंदी वेबसाईटने याबाबतचे वृत्त दिले आहे.