5 वर्षानंतर बॉयफ्रेंडला भेटली मेघना; भावानेच रेकॉर्ड केला कपलचा रोमांटिक VIDEO...

पाच वर्षांच्या प्रतिक्षेनंतर बंगळुरुची तरुणी तिच्या प्रियकराला भेटली, भेटताच दोघांना अश्रू अनावर झाले.

Girlfriend Met Boyfriend: पाच वर्षांच्या प्रतिक्षेनंतर एक तरुणी तिच्या प्रियकराला भेटली. भेटताच दोघांना अश्रू अनावर झाले. बऱ्याच दिवसांनी एकमेकांना भेटणाऱ्या प्रेमी युगुलाचा रोमँटिक व्हिडिओ व्हायरल होत आहे. ही जोडी लवकरच लग्नबंधनात अडकणार आहे. मेघना वर्गीस असे या तरुणीचे नाव असून, त्यांच्या भेटीचा रोमँटिक व्हिडिओ तिच्याच भावाने व्हिडिओ रेकॉर्ड केला आहे. 

मेघना (26) ही बंगळुरूची रहिवासी आहे. ती एक व्यावसायिक नर्तक आणि पूर्णवेळ YouTuber आहे. तिने तिचे लव्ह लाईफ, लाँग डिस्टन्स रिलेशनशिप आणि बॉयफ्रेंड मॅथ्यूसोबतच्या भेटीचा व्हिडिओ यूट्यूबवर शेअर केला आहे. मेघनाचे यूट्यूबवर 1 लाखांहून अधिक सबस्क्राइबर्स आहेत. दोघांच्या नात्याला जवळपास 9 वर्षे झाली आहेत.

मेघना तिचे आई-वडील, भाऊ निखिल यांच्यासह केरळमधील कोची शहरात तिचा प्रियकर मॅथ्यूला भेटण्यासाठी गेली होती. बैठकीपूर्वी ती ब्युटी पार्लरमध्येही गेली होती. ती तिच्या बॉयफ्रेंडला भेटण्यासाठी खूप उत्सुक दिसत होती. मेघनाने व्हिडिओमध्ये म्हटले की, ती मॅथ्यूला भेटणार आहे यावर विश्वास ठेवणे तिच्यासाठी खूप कठीण होते. मॅथ्यू पाच वर्षांनी अमेरिकेतून परतला होता.

मेघनाने मॅथ्यूला चकित करण्यासाठी चॉकलेटने बनवलेला पुष्पगुच्छही ऑर्डर केले. मेघनाने सांगितले की, ती खूप दिवसांनी मॅथ्यूला भेटत आहे, त्यामुळे तिने बीचवर भेटण्याचा प्लॅन केला. मेघना तिच्या भावासोबत तिच्या प्रियकराला भेटायला गेल्याचे व्हिडिओत दिसत आहे. मेघनाच्या भावाने त्यांच्या भेटीचा भावनिक क्षण रेकॉर्ड केला. मेघना म्हणाली की समुद्रकिनाऱ्यावर कमी लोक उपस्थित राहतील अशी अपेक्षा होती, पण गर्दी खूप होती.