माकडीणीच्या पिल्लाची ही गोष्ट पाहुन तुमचं मन हेलावेल, शेवटी आई ती आई असते!

आईच्या प्रेमाची प्रचिती देणारा व्हिडिओ सोशल मिडियावर सर्वांच मन जिंकतोय. त्यातील आई माकडीण आहे अन् स्वत:च्या पिल्लाला वाचवण्यासाठी ती तिचा जीवही धोक्यात घालते.

स्वामी तीन्ही जगाचा आईविना भिकारी. आई मग ती कोणतीही असो. माणूस अथवा प्राणी. ती तिच्या लाडक्या बाळावर तितकीच माया करते. आपल्या चिमुकल्याला ती कधीच संकटात पाहू शकत नाही. त्याला त्या संकटातून सोडवण्यासाठी ती तिच्या प्राणांची बाजीही लावू शकते. असाच आईच्या प्रेमाची प्रचिती देणारा व्हिडिओ सोशल मिडियावर सर्वांच मन जिंकतोय. त्यातील आई माकडीण आहे अन् स्वत:च्या पिल्लाला वाचवण्यासाठी ती तिचा जीवही धोक्यात घालते.

Mother's Love or

Friend in need.... pic.twitter.com/cg6cNUI4BI

— Rupin Sharma IPS (@rupin1992) July 31, 2021

या व्हिडिओमध्ये दिसणाऱ्या आईच्या केवळ प्रेमाचंच नाही तर धाडसाचं दर्शनही यातून होत आहे. लोकं हा व्हिडिओ पाहून आईच्या धाडसाचं कौतुक करत आहेत. या व्हिडिओमध्ये तुम्ही पाहु शकता, की एक छोटं माकड एका विजेच्या तारेला लटकलं आहे. ते तिथून उतरण्यासाठी धडपडत आहे. सारखं ते आपल्या आईकडे उडी मारण्याचा प्रयत्न करतं, मात्र त्याला यश काही मिळत नाहीये. समोरच छतावर त्याची आई बसलेली आहे. आपल्या पिलाची तगमग पाहुन तिचाही जीव वरखाली होतोय. काय करावं ते तिला कळत नाहीये. तीही चिंतेने मागेपुढे घुटमळतेय.शेवटी आपल्या जीवाची पर्वा न करता ती त्या वीजेच्या तारेवर उडी घेते व आपल्या बाळाला घेऊन पुन्हा बिल्डिंगच्या छतावर उडी मारून बसते.

I was holding my breath till the end of the video..🤗

— Vibha sahu (@Vibhasa65607451) July 31, 2021

Mothers love is true LOVE.

— Imtiyaz Ansari 🇮🇳 (@ImtiyazOO7) July 31, 2021

Great, it's definitely none other than Mother's Love 💞🥰

— Ajay (@ajay_mirzam) July 31, 2021

सोशल मीडियावर हा व्हिडिओ नेटकऱ्यांची मनं जिंकत आहे. एका यूजरनं कमेंट करत म्हटलं, की आईपेक्षा मोठं या जगात कोणीच नसतं. तर आणखी एका यूजरनं म्हटलं, की आई देवाचं रूप असते. हा व्हिडिओ Rupin Sharma यांनी आपल्या ट्विटर अकाऊंटवरुन शेअर केला आहे. याला कॅप्शन देत त्यांनी लिहिलं, की आईचं प्रेम की गरजेच्या वेळी मित्र.