चिमुकल्याच्या अंगावर छत कोसळणार तेवढ्यात आई आली; पाहा धक्कादायक व्हिडिओ

आई आपल्या मुलांसाठी काहीही करू शकते, हेच या व्हिडिओ पाहायला मिळत आहे.

Viral Video: अपघात कधीही सांगून येत नाहीत. सोशल मीडियावर अनेक व्हिडिओ आहेत, ज्यात अचानक घराचे छत कोसळल्याचे पाहायला मिळते. अनेकदा या घटनांमध्ये मोठी जीवितहानी होते. असाच एक व्हिडिओ सोशल मीडियावर व्हायरल होतोय, ज्यात छत कोसळल्याचे दिसत आहे. पण, यात आई तत्परता दाखवत आपल्या चिमुकल्याचा जीव वाचवते. 

आई आपल्या मुलांसाठी काहीही करू शकते. असेच काहीसे या व्हिडिओमध्येही पाहायला मिळत आहे. ही धक्कादायक घटना कंबोडियातील आहे. व्हिडीओमध्ये दिसत आहे की, घराचे छत कोसळण्याच्या भीतीने महिला आपल्या मुलाला घेऊन बाहेर पडत असते. आणखी दोन मुले तिच्या मागे धावतात, परंतु एक लहान मूल वॉकरमध्येच अडकून पडलेले असते. 

The #ceiling of a residence in Phnom Penh, #Cambodia, #collapsed in the living room. Luckily, the #mother inside the house acted quickly, picking up one child with one hand and holding a school bicycle having another child with the other. All her children were saved in the end. pic.twitter.com/aK9wXVsTvW

— Warm Talking (@Warm_Talking) July 18, 2023

आईला ते चिमुकले बाळ दिसते आणि ती क्षणाचाही विलंब न करता मुलाला बाहेर काढते. घरातील कॅमेऱ्यात ही घटना कैद झाली असून, एक सेकंदही उशीर झाला असता तर मोठी दुर्घटना घडली असती. हा व्हिडिओ व्हायरल झाल्यानंतर युजर्स विविध कमेंट्स करत आहेत. एका यूजरने लिहिले की 'मॉम इज गॉड'.