आई ती आईचं असते! रस्त्यावर फळे विकण्यासोबत मुलांचा सांभाळ, व्हिडिओ व्हायरल...

आपल्या मुलांसाठी आई काहीही करायला तयार असते, हेच व्हिडिओतून सिद्ध होते.

Mothers Love:सोशल मीडिया दररोज आई आणि मुलाच्या नात्याचे अनेक व्हिडिओ व्हायरल होतात. यातील काही व्हिडिओ आपल्या मनात घर करुन राहतात. असाच एक व्हिडिओ सध्या व्हायरल होत आहे. हा व्हिडिओ पाहून तुम्हीही व्हिडिओतील महिलेचे खुप कौतुक कराल. व्हायरल व्हिडिओमध्ये रस्त्यावर केळी विकणारी महिला, काम करण्यासोबतच आपल्या दोन चिमुकल्यांचा सांभळा करताना दिसत आहे. 

झारखंडमधील उपजिल्हाधिकारी संजय कुमार यांनी हा व्हिडिओ शेअर केला आहे. व्हिडिओमध्ये एक महिला रस्त्याच्या कडेला गाड्यावर फळे विकताना दिसत आहे. तिने बाजुलाच जमिनीवर कपडा टाकून त्यावर आपल्या दोन मुलांना ठेवलंय. ती फळे विकण्यासोबतच आपल्या मुलांचीही काळजी घेत आहे. एक चिमुकला लहान खेळतोय, तर दुसरा अभ्यास करतोय. 

आज कैप्शन के लिये मेरे पास शब्द ही नहीं हैं..!!
💕#मां#Respectfully 🙏 pic.twitter.com/8A3WEFmAMg

— Sanjay Kumar, Dy. Collector (@dc_sanjay_jas) August 29, 2023

29 ऑगस्ट 2023 रोजी व्हिडिओ पोस्ट केल्यापासून एक लाखांहून अधिक व्ह्यू मिळाले आहे. कमेंटमध्ये अनेकजण महिलेल्या जिद्दीचे कौतुक करत आहेत. अनेकांनी महिलेच्या प्रयत्नांना सलाम केला आणि शिक्षणाच्या महत्त्वावर भर दिला. अनेकांनी कमेंटबॉक्समध्ये महिलेला मदत करण्याचे आवाहनही केले. दरम्यान, हा व्हिडिओ नेमका कुठला आहे, हे समजू शकले नाही.