शेवटी आईच ती! बाळाला वाचवण्यासाठी स्वतःचा जीव घातला धोक्यात; थरकाप उडवणारा Video

एक आई आपल्या मुलाचा अपघातापासून जीव वाचवण्यासाठी स्वतःचा जीव धोक्यात घालते. 

आई आपल्या मुलांसाठी सर्वकाही करते. जेव्हा जेव्हा मुलांवर संकट येते तेव्हा ती ढाल बनून संकटासमोर उभी राहते. धोका कितीही मोठा असला, स्वतःचा जीव गमवावा लागला तरी आई आपल्या मुलांना वाचवण्याचा प्रयत्न नक्कीच करते. सध्या सोशल मीडियावर आईशी संबंधित एक व्हिडीओ जोरदार व्हायरल होत आहे. एक आई आपल्या मुलाचा अपघातापासून जीव वाचवण्यासाठी स्वतःचा जीव धोक्यात घालते. 

सोशल मीडियावर व्हायरल होत असलेल्या व्हिडीओमध्ये एक महिला तिच्या लहान मुलाला घेऊन रस्त्याच्या कडेला चालत आहे, त्याच दरम्यान तिला समोरून एक भरधाव वेगात कार येताना दिसते. ती त्याला पाहून थांबते, पण कार मालक भरधाव वेगाने येतो आणि त्यांना धडकतो. याच दरम्यान, आई आपल्या मुलाला वाचवण्याचा प्रयत्न करते, तिला गाडीची जोरदार धडक बसते. 

Mom tries to shield the baby from the impact... then another vehicle stops that car from getting away. pic.twitter.com/PAqmg1n3P8

— Dr. Ajayita (@DoctorAjayita) January 22, 2023

अपघातानंतरही महिलेला आपल्या मुलाची काळजी असते. ती पटकन जाऊन मुलाकडे पाहते. या धक्कादायक अपघाताचा व्हिडीओ ट्विटर या सोशल मीडिया प्लॅटफॉर्मवर @DoctorAjayita नावाच्या आयडीवर शेअर करण्यात आला आहे. अवघ्या 24 सेकंदांचा हा व्हिडिओ 5 लाख 91 हजारांहून अधिक वेळा पाहिला गेला आहे, तर 5 हजारांहून अधिक लोकांनी या व्हिडिओला लाईकही केले आहे.

व्हिडिओ पाहून लोकांनी वेगवेगळ्या प्रतिक्रिया दिल्या आहेत. एका युजरने कमेंटमध्ये सांगितले आहे की, ही घटना यापूर्वी घडली होती आणि त्यात मुलाचा मृत्यू झाला होता. ही कार एक अल्पवयीन मुलगा चालवत होता, त्याला तुरुंगवासाची शिक्षाही झाली होती आणि नंतर त्याची सुटका करण्यात आली होती. एका हिंदी वेबसाईटने याबाबतचे वृत्त दिले आहे. 

 सर्व ठळक बातम्यांसाठी जरूर वाचा महाराष्ट्रातील अव्वल मराठी वेबसाईट "लोकमत डॉट कॉम"