"हे असं शहर ज्याचा मूड गर्लफ्रेंडपेक्षा वेगाने बदलतो"; भाजप नेत्याच्या विधानाने रंगली चर्चा

नागालॅंडचे भारतीय जनता पार्टीचे प्रदेशाध्यक्ष तेमजेन इमना आपल्या बोलण्याच्या अनोख्या शैलीमुळे सोशल मीडियावर नेहमी चर्चेत असतात.

कोहिमा: नागालॅंडचे भारतीय जनता पार्टीचे (BJP) प्रदेशाध्यक्ष तेमजेन इमना आपल्या बोलण्याच्या अनोख्या शैलीमुळे सोशल मीडियावर नेहमी चर्चेत असतात. त्यांचे छोटे डोळे यांपासून ते सलमान खानच्या लग्नापर्यंत त्यांनी अनेक ट्विट करून नेटकऱ्यांचे मनोरंजन केले आहे. त्यामुळे त्यांचे फोटो सोशल मीडियावर मोठ्या प्रमाणात व्हायरल होत असतात. सध्या व्हायरल होत असलेल्या फोटोमध्ये मंत्री महोदय खुर्चीवर बसल्याचे पाहायला मिळत आहे. तसेच त्यांच्या आजूबाजूला काही अन्य लोकंही बसली आहेत. 

हा फोटो खुद्द तेमजेन इमना यांनी आपल्या ट्विटर अकाउंटवरून शेअर केला आहे. मात्र चर्चा रंगली आहे ती म्हणजे फोटोसोबत लिहलेल्या भन्नाट कॅप्शनची. "कोहिमा या शहराच्या पावसाचा सामना करण्यासाठी नेहमी तयार! हे असं शहर आहे ज्याचा मूड तुमच्या गर्लफ्रेंडपेक्षा वेगाने बदलतो", या मजेशीर कॅप्शनमुळे नेटकऱ्यांमध्ये चांगलाच हशा पिकला आहे. 

Ever ready to face the monsoon of Kohima!

A city whose mood changes faster than your girlfriend's. 😜#PositiveVibes#KohimaNagalandIndiapic.twitter.com/8WwKTkx4Fa

— Temjen Imna Along (@AlongImna) July 24, 2022

तेमजेन इमना यांची रंगली चर्चा 

कोहिमा नागालॅंडची राजधानी असून एक सुंदर शहर म्हणून त्याची जगभर ख्याती आहे. येथील पर्यटनाचा आनंद घेण्यासाठी जगभरातील पर्यटक मोठ्या संख्येने या शहराला भेट देत असतात. नागा टेकड्यांवर वसलेल्या या शहरात अनेक ऐतिहासिक पर्यटन स्थळे आहेत, जी पाहून जगभरातील पर्यटक मंत्रमुग्ध होतात. दरम्यान, नागालॅंडचे भाजप प्रदेशाध्यक्ष यांचा हा फोटो सोशल मीडियावर मोठ्या प्रमाणात व्हायरल होत आहे. तेमजेन यांनी याआधी देखील अनेक मजेदार ट्विट करून सर्वांचे लक्ष वेधले होते. भारताच्या वाढत्या लोकसंख्येवर नियंत्रण म्हणून माझ्यासारखे सिंगल राहा, असा त्यांनी दिलेला अजब सल्लाही खूप व्हायरल झाला होता.