VIDEO : वयाने मोठ्या फॅनच्या पाया पडला नीरज चोप्रा, लोक भरभरून करत आहेत कौतुकाचा वर्षाव

Neeraj Chopra : नीरज चोप्राचा हा मनाला भिडणाऱ्या व्हिडीओला आतापर्यंत 2 लाखांपेक्षा जास्त व्ह्यूज मिळाले आहेत. लोकांना त्याचा हा अंदाज खूपच आवडला आणि लोक त्याचं भरभरून कौतुक करत आहे.

नीरज चोप्रा (Neeraj Chopra) एकापाठी एक स्पर्धेत देशाचं नाव मोठं करत आहे. टोकियो ऑलम्पिक चॅम्पियनने एका महिन्यात दुसऱ्यांदा स्टॉकहोम डायमंड लीगमध्ये आपलाच रेकॉर्ड तोडला. जून महिन्यात त्याने फिनलॅंडमध्येही त्याचा रेकॉर्ड तोडला होता. यशाच्या इतक्या शिखरावर जाऊनही नीरज फारच विनम्र आहे. याचे अनेक पुरावे सोशल मीडियावर बघायला मिळतात. हेच दाखवणारा एक व्हिडीओ सोशल मीडियावर व्हायरल झाला आहे. या व्हिडीओत गोल्ड मेडल विजेता नीरज एका वृद्ध फॅनच्या पाया पडताना दिसत आहे.

नीरज चोप्राचा हा मनाला भिडणाऱ्या व्हिडीओला आतापर्यंत 2 लाखांपेक्षा जास्त व्ह्यूज मिळाले आहेत. लोकांना त्याचा हा अंदाज खूपच आवडला आणि लोक त्याचं भरभरून कौतुक करत आहे. व्हायरल झालेला हा व्हिडीओ ट्विटरवर शेअर करण्यात आला आहे. या छोट्या क्लिपमध्ये नीरज स्टॉकहोम फॅनसोबत बोलत आहे, त्यांच्यासोबत फोटो काढत आहे. तिथून जाण्याआधी नीरज एका वृद्ध फॅनच्या पायाही पडताना दिसत आहे. 

So down to earth this person @Neeraj_chopra1 ❣️Took blessing from an elderly fan. That speaks volumes. Love you ❤️ pic.twitter.com/jjo9OxHABt

— Your ❤️ (@ijnani) June 30, 2022

नीरजचा हा व्हिडीओ पाहिल्यानंतर फॅन्स अवाक् झाले आहे. एका फॅनने यावर कमेंट केली की, "सो डाउन टू अर्थ." नीरजने या अंदाजाने सोशल मीडियावर सर्वांची मने जिंकली आहेत. एका यूजरने लिहिलं की, इतका विनम्र माणूस.