ऐन दिवाळीत गरीब भाजीवाल्यास फसवलं, सोशल मीडियाने दाखवली ताकद
By ऑनलाइन लोकमत | Published: October 28, 2022 02:44 PM2022-10-28T14:44:07+5:302022-10-28T15:02:15+5:30
मोठ-मोठ्या शहरातील मॉलमध्ये फळे, पाले भाज्यांचे भाव कधीच कमी होत नाहीत.
ऐन दिवाळीत गरीब भाजीवाल्यास फसवलं, सोशल मीडियाने दाखवली ताकद
Next दिवाळी हा सण सर्वांच्या चेहऱ्यावर आनंद फुलवणारा आहे. त्यासाठी, गरिबांपासून ते गर्भश्रीमंतांपर्यंत सर्वचजण आनंद वाटताना दिसतात. एकमेकांना शुभेच्छा देणं, एकमेकांच्या घरी जाऊन भेटवस्तू वाटणं हेही दिवाळीच्या सणात आपुलकीने पाहायला मिळते. तसेच, बाजारात खरेदी करतानाही विक्रेता आणि ग्राहक यांच्या चेहऱ्यावर वेगळंच समधान असतं. पाऊस पाणी झाल्याने, पीक पाणी असल्याने बळीराजाही खुश असतो. मात्र, याच आनंदात एखाद्या गरिबासोबत कोणी आर्थितक चेष्टा केल्यास सर्वांनाच वाईट वाटतं. राजधानी दिल्लीतील एका भाजीविक्रेत्या आजोबांसोबत अशीच फसवणूक झाली आहे. मात्र, सोशल मीडियातून या भाजीवाल्या बाबांना मदत मिळाली.
मोठ-मोठ्या शहरातील मॉलमध्ये फळे, पाले भाज्यांचे भाव कधीच कमी होत नाहीत. याउलट रस्त्यावरील भाजीविक्रेत्यापेक्षा तेथे महागच असतात. तरीही, आपण गपगुपाने ती भाजी स्वत:चे स्टेटस जपण्यासाठी विकत घेतो. मात्र, रस्त्यावर भाजीवाल्यासोबत हुज्जत घालत बसतो. ऐन दिवाळीच्या १ दिवस अगोदर दिल्लीत एका भाजीविक्रेत्याला भाजी घेतल्यानंतर नकली नोट देऊन त्याची फसवणू केल्याची घटना समोर आली आहे. विशेष म्हणजे भाजी विकत घेणासाठी आलेल्या दोघांपैकी एकाने चक्क २ हजार रुपयांची नोट दिली होती, तर बाकीचे पैसे दिवाळी भेट म्हणून तुम्हाला राहू द्या, असेही तो म्हणाले. त्यामुळे, गरिबाच्या चेहऱ्यावर मोठा आनंद दिसला. पण, ज्यावेळी ही नोट त्याने आपल्या १२ वर्षांच्या नातवाला दाखवली, त्यावेळी हा आनंद क्षणीक ठरला. कारण, त्या व्यक्तीने मोठी आशा दाखवून गरीबाची चेष्टा केल्याचा प्रकार घडला होता. ती नोट नकली होती.
दिवाली के 1दिन पहले 2सज्जन आये,दादा से पूरी सब्जीखरीद लिए. बदले में 2000 की नोट दिए. बचे हुए रूपये को त्यौहारी बोलकर रखने को कहे. दादा खुश हुए कि बहुत ही नेक लोग आये थे. नातिन को बताया जिसकी उम्र 12वर्ष थी,उसने नोट देखकर बोला कि ये तो बाबा नकली है. सोचिए बुजुर्ग पर क्या बीता होगा pic.twitter.com/TVnnAoOo4Z
— Pranav Mishra 🇮🇳 (@journopranav) October 26, 2022
नोएडा वेस्ट येथील क्रिकेट स्टेडिएमच्या जवळ असलेल्या चार मुर्ती येथे हा प्रकार घडला असून पत्रकार प्रणव मिश्रा यांनी आपल्या ट्वीटरवर पोस्ट करून ही माहिती दिली आहे. तर या पोस्टनंतर अनेकांनी या गृहस्थाला मदत करण्यासाठी पुढाकार घेतला आहे. तर, सध्या ही पोस्ट सोशल मीडियात व्हायरल होत आहे.