Jasprit Bumrah, Pakistan vs England Test: आयला! पाकिस्तानमध्ये दिसला 'छोटा बुमराह'; Viral Photo पाहून तुमचंही डोकं नक्कीच चक्रावेल!

त्या छोट्या मुलाचे स्टेडियममधील काही फोटो सध्या तुफान व्हायरल होत आहे.

Jasprit Bumrah, Pakistan vs England Test: मुलतान येथे खेळल्या गेलेल्या दुसऱ्या कसोटी सामन्यात इंग्लंडनेपाकिस्तानचा २६ धावांनी पराभव केला आणि दुसरा कसोटी सामना जिंकला. या विजयाबरोबरच त्यांनी तीन सामन्यांची कसोटी मालिकाही जिंकली. पाकिस्तान आणि इंग्लंड यांच्यात खेळल्या गेलेल्या या सामन्यात अनेक रोमांचक क्षण क्रीडारसिकांना पाहायला मिळाले. स्टेडियममध्येही चाहत्यांची गर्दी झाल्याचे दिसले. मात्र, हा कसोटी सामना संपताच चाहत्यांना जसप्रीत बुमराहची आठवण झाली.

पाकिस्तान आणि इंग्लंड यांच्यातील मुलतान क्रिकेट स्टेडियमवर खेळल्या जात असलेल्या दुसऱ्या कसोटी सामन्याच्या चौथ्या दिवशी जसप्रीत बुमराहसारखा दिसणारा एक छोटा मुलगा दिसला. या मुलाचे फोटो सोशल मीडियावर चांगलेच व्हायरल झाले. तुम्ही हे फोटो पाहिलेत तर तुमचाही विश्वास बसणार नाही की हे खरोखर घडलं असेल.

🚨 JASPRIT BUMRAH spotted in Pakistan!#PAKvENGpic.twitter.com/96WqrlnvDN

— Azan Ahmad (@azanahmad257) December 11, 2022

बुमराहसारखा दिसणारा हा मुलगा पाहून तुम्हाला वाटेल की बुमराह लहानपणी असाच दिसला असेल. सध्या बुमराहसारखा दिसणारा हा मुलगा सोशल मीडियावर ट्रेंड करत आहे. अशा परिस्थितीत जसप्रीत बुमराहकडूनही काही प्रतिक्रिया येते की नाही हे पाहणे याचे चाहते वाट पाहत आहेत.

दुसरीकडे, इंग्लंड आणि पाकिस्तान यांच्यातील दुसऱ्या कसोटी सामन्याबद्दल बोलायचे झाले तर, इंग्लंडने पाकिस्तानसमोर विजयासाठी ३५५ धावांचे लक्ष्य ठेवले होते. मात्र चौथ्या दिवशी दुसऱ्या सत्रात पाकिस्तानचा संघ २६ धावांनी दूर राहिला. घरच्या मैदानावर सलग तिसऱ्यांदा पाकिस्तानला पराभव स्वीकारावाल लागला. त्यामुळे त्यांनी मालिकेतील दुसरी कसोटी गमावली. या मालिकेतील पराभवानंतर पाकिस्तानी संघ आणि कर्णधार बाबर आझमवर जोरदार टीका होत आहे. बाबर आझम घरच्या मैदानावर मालिका जिंकू शकत नसेल तर त्याने कर्णधारपद सोडावे, असे चाहते संतप्तपणे म्हणाताना दिसत आहेत.