Pakistani Bride Dance: पाकिस्तानी नववधूने पाहुण्यांसमोर केला अफलातून डान्स, Video पाहून तुम्हीही व्हाल फिदा

वधूने आपल्या मैत्रिणीसोबत केला डान्स

Pakistani Bride Dance Viral Video: आजकाल, लग्नांमध्ये असे अनेक कार्यक्रम आयोजित केले जातात, ज्यामध्ये घरातील सदस्य पाहुण्यांसमोर डान्स सादर करतात. लग्नसमारंभात परफॉर्म करणे हे हल्ली एक फॅशनच होऊ लागली आहे. जेव्हा तुमचं स्वतःचं लग्न असतं, तेव्हा वातावरण आणखीनच आनंददायी असतं. अलीकडेच इंस्टाग्रामवर असा एक व्हिडिओ व्हायरल झाला आहे ज्यामध्ये पाकिस्तानी नववधूने अतिशय सुंदर नृत्य केले आहे. हा व्हिडिओ तुमच्या चेहऱ्यावर हसू आणेल.

पाकिस्तानी नववधूने केला झक्कास डान्स

व्हिडिओची सुरुवात लग्नाच्या ठिकाणी वधूच्या नृत्याने होते. तिने बॉलीवूडच्या गाण्यांवर खूप उत्साहाने नृत्य केले. वधू आणि तिचा डान्स ग्रुप 'कभी खुशी कभी गम' चित्रपटातील 'बोले चुडियाँ' गाण्यावर नाचताना दिसला. या गाण्यावर पाकिस्तानी नववधूने अतिशय भावपूर्ण नृत्य केले. हा दमदार डान्स परफॉर्मन्स पाहून लोक टाळ्या वाजवताना दिसले. तुम्ही व्हिडिओमध्ये पाहू शकता की, वधूने मेहंदी फंक्शनसाठी गडद पिवळ्या रंगाचा लेहंगा घातला आहे आणि ती तिच्या डान्स पार्टनरसोबत गाण्यावर नाचत होती. वधूचा हा डान्स खूपच भारी झाला त्यामुळे युजर्सही तिची स्तुती करत आहेत.

View this post on Instagram

A post shared by Dance wedding (@dancewedding.in)

व्हिडिओ पाहिल्यानंतर लोकांच्या अशा प्रतिक्रिया

हा व्हिडिओ इंस्टाग्रामवर dancewedding.in नावाच्या अकाऊंटवरून शेअर करण्यात आला आहे. व्हिडीओ शेअर करताना कॅप्शनमध्ये लिहिले की, "वधूने मेहंदीमध्ये अतिशय सुंदर नृत्य केले." हा व्हिडीओ ऑनलाइन शेअर केल्यापासून क्लिपला हजारांहून अधिक लाईक्स मिळाले आहेत. नेटिझन्सनी वधू आणि तिच्या ग्रुपवर प्रेमाचा वर्षाव केला आहे आणि प्रतिक्रियांनी कमेंट बॉक्स भरला आहे. भारतीय यूजर्स देखील हा व्हिडिओ लाईक करताना दिसत आहेत.