Viral Song Video: Pakistani मुलीच्या 'दिल ये पुकारे आजा...'ला टक्कर देतोय मुंबईकर पोराचा भन्नाट डान्स
By ऑनलाइन लोकमत | Published: November 23, 2022 08:05 PM2022-11-23T20:05:46+5:302022-11-23T20:06:16+5:30
लग्नाच्या मंडपातला डान्स झटक्यात झाला तुफान व्हायरल
Viral Song Video: Pakistani मुलीच्या 'दिल ये पुकारे आजा...'ला टक्कर देतोय मुंबईकर पोराचा भन्नाट डान्स
Next Pakistani Girl vs Mumbai Boy Viral Song Video: काही दिवसांपूर्वी एका पाकिस्तानी तरूणीने गानकोकिळा लता मंगेशकर यांच्या 'मेरा दिल ये पुकारे आजा..' या प्रसिद्ध गाण्यावर शानदार डान्स केला होता. हा डान्स पाकिस्तानातच नाही तर भारतातही व्हायरल झाला होता. लाखो लोकांना हे गाणे खूप आवडले आणि इंस्टाग्रामसह सर्व सोशल मीडिया प्लॅटफॉर्मवर ते अजूनही ट्रेंड करत आहे. लग्नात पाकिस्तानी नवरीने केलेला डान्स मोठ्या प्रमाणावर पाहिला गेला आणि सोशल मीडियावर इतका गाजावाजा झाला की लोकांनी तिच्या डान्स स्टेप्स रिक्रिएट करायला सुरुवात केली. अशातच मुंबईकर तरूणानेही डान्स स्टेप्स रिक्रिएट करत त्याचा व्हिडिओ बनवला आहे आणि तो व्हिडीओही तुफान व्हायरल होत आहे.
मुंबईच्या पोराने जिंकली अनेकांची मनं
पाकिस्तानी मुलीप्रमाणे डान्स कॉपी करत मुंबईतील एका व्यक्तीने डान्स करण्याचा प्रयत्न केला आणि त्याचा व्हिडीओदेखील काही दिवसांतच तुफान व्हायरल झाला. युजर अर्सलन खानने त्याच्या इंस्टाग्रामवर व्हिडिओ शेअर केला आणि लिहिले आहे, 'जेव्हाही मी इंस्टाग्राम स्क्रोल फीड रिफ्रेश करतो, तेव्हा मला हेच दिसते, त्यामुळे मी विचार केला की मी देखील असा एक व्हिडीओ बनवावा'. त्यामध्ये, तुम्ही अर्सलनला व्हायरल डान्स परफॉर्मन्स पुन्हा तयार करताना पाहू शकता. तसेच त्याचे मित्र शेजारी बसून त्याला चीअर करत आहेत. त्याची प्रचंड ऊर्जा आणि पाऊल पाहून लाखो लोक व्हिडीओचा आनंद लुटताना दिसत आहेत.
व्हिडिओवर लाखो प्रतिक्रिया
व्हिडिओ पाहून नेटिझन्सनी कमेंट बॉक्समध्ये टाळ्यांचा एक इमोजी शेअर केला आणि त्याचे जोरदार कौतुक केले. पाकिस्तानी तरूणीप्रमाणेच अर्सलाननेही हिरवा रंगाचा पोशाख परिधान केला आहे. त्याच्या प्रोफाइलमध्ये दिलेल्या बायोनुसार, तो भारतातील मुंबईत राहतो. तीन दिवसांपूर्वी ही क्लिप इंस्टाग्रामवर पोस्ट करण्यात आली होती आणि तेव्हापासून 3.4 दशलक्षाहून अधिक लोकांनी पाहिली. त्याच्या चेहऱ्यावरील हावभावावर नेटिझन्सकडूनही अनेक प्रतिक्रिया मिळाल्या. एका यूजरने लिहिले की, 'यार तू खूप चांगला आहेस, मी ५० वेळा पाहिला असेल.' अशाच कौतुक करणाऱ्या अनेक कमेंट्स व्हिडीओ दिसत आहेत.