स्कार्पिओतून येऊ लागला धूर; बोनेट उघडताच बसला धक्का, आतून निघाला महाकाय अजगर

Prayagraj News : मेकॅनिकने कारचे बोनेट उघडताच त्याला जबर धक्का बसला.

Prayagraj News : कार किंवा बाईकमध्ये साप लपून बसल्याच्या अनेक घटना तुम्ही ऐकल्या किंवा पाहिल्या असतील. पण, कधी कारमध्ये महाकाय अजगर लपल्याची घटना पाहिली आहे का? अशाच प्रकारची घटना उत्तर प्रदेशातील प्रयागराजमधून समोर आली आहे. एका स्कॉर्पिओ कारमधून अचानक धूर येत होता म्हणून चालकाने गाडी थेट गॅरेजमध्ये नेली. मेकॅनिकने कारचे बोनेट उघडताच त्याला मोठा धक्का बसला.

गाडीच्या बोनेटमध्ये सात फूट लांबीचा अजगर लपून बसला होता. यानंतर तात्काळ स्थानिक पोलिसांना याची माहिती देण्यात आली. काही वेळात वनविभागाचे पथकही तिथे पोहोचले आणि या अजगराचा जीव वाचवला. हे संपूर्ण प्रकरण प्रयागराजमधील उच्चभ्रू सिव्हिल लाईन्स परिसरातील आहे. या घटनेचा व्हिडिओ सोशल मीडियावर व्हायरल होत आहे.

व्हिडिओ पाहा-

प्रयागराज : कार का बोनट खोलने पर निकला विशालकाय अजगर

➡गैराज में अजगर देखते ही लोगों में मची अफरा-तफरी
➡मौके पर पहुंची रेस्क्यू टीम ने अजगर को पकड़ा
➡अजय इंटरनेशनल के सामने स्थित गैराज का मामला.#Prayagrajpic.twitter.com/JaYobafFKk

— भारत समाचार | Bharat Samachar (@bstvlive) September 14, 2024

व्हायरल व्हिडिओमद्ये स्कॉर्पिओच्या बोनेटमध्ये एक महाकाय अजगर बसलेला दिसतोय. त्याला पाहण्यासाठी घटनास्थळी मोठी गर्दी झाली होती. गाडीत अजगर पाहून गाडीचा मालकही खुप घाबरला होता. सुदैवाने कारच्या चालकाला किंवा त्या अजगराला कोणतीही इजा झाली नाही. ही घटना सध्या परिसरात चर्चेचा विषय बनली आहे.