Pushpa Fever : नवरदेवाच्या 'अंगात' आला 'पुष्पा', म्हणाला - मैं झुकूंगा नहीं! आणि मग....
By ऑनलाइन लोकमत | Published: February 3, 2022 12:42 PM2022-02-03T12:42:46+5:302022-02-03T12:46:30+5:30
Pushpa Fever on Groom : आज प्रत्येकाच्या तोंडून 'पुष्पा' सिनेमातील डायलॉग आणि गाणी ऐकायला मिळत आहेत. अनेकजण गाण्यावर डान्स करून रील्स बनवत आहेत.
Pushpa Fever : नवरदेवाच्या 'अंगात' आला 'पुष्पा', म्हणाला - मैं झुकूंगा नहीं! आणि मग....
Next Wedding Video: अल्लू अर्जुन आणि रश्मिका मंदाना स्टारर 'पुष्पा' सिनेमाची क्रेझ देशभरातील लोकांवर बघायला मिळत आहे. तेव्हापासून या सिनेमातील गाणी, डान्स आणि डायलॉग्सने सोशल मीडियावर धुमाकूळ घातला आहे. आज प्रत्येकाच्या तोंडून या सिनेमातील डायलॉग आणि गाणी ऐकायला मिळत आहेत. अनेकजण गाण्यावर डान्स करून रील्स बनवत आहेत.
एका लग्नातही पुष्पाचा फिवर बघायला मिळाला. लग्नात स्टेजवर हार घालताना नवरदेवाने पुष्पातील डायलॉग मारला. नवरी जेव्हा त्याच्या गळ्यात हार घालत होती तेव्हा त्याने हार घालण्यास नकार दिला आणि म्हणाला 'मैं झुकूंगा नहीं'. नवरदेवाचं हे वागणं पाहून नवरीसोबतच पाहुणेही हैराण झाले. हा लग्नातील व्हिडीओ सध्या सोशल मीडियावर व्हायरल झाला आहे.
व्हिडीओमध्ये बघू शकता की, स्टेजवर वरमाला सेरमनी सुरू आहे. नवरी-नवरदेव हार हातात घेऊन उभे आहेत. नवरी नवरदेवाच्या गळ्यात हार घालणार इतक्यात तो तिला अडवतो आणि पुष्पातील डायलॉग मारतो - 'मैं झुकूंगा नहीं.' इतकंच नाही तर तर अल्लू अर्जुनसारखा तो दाढीवरून हातही फिरवतो.
यानंतर नवरी पुन्हा एकदा हार टाकण्याचा प्रयत्न करते. पुन्हा तो पुष्पातील डायलॉग मारतो. हे बघून तर नवरीही जोरात हसायला लागते. हा व्हिडीओ इन्स्टाग्रामवर new.flower.decoration नावाच्या पेजवर अपलोड केला आहे.