Ranveer Singh Anurag Thakur Dance Viral Video: रणवीर सिंगसोबत 'मल्हारी' गाण्यावर केंद्रीय मंत्री अनुराग ठाकूर यांनीही धरला ठेका; व्हिडीओ व्हायरल

हा व्हिडीओ भरपूर व्हायकल झाला आहे

Ranveer Singh Anurag Thakur Dance Viral Video: बॉलिवूडचा प्रसिद्ध अभिनेता रणवीर सिंग कायम फ्रेश मूडमध्ये दिसतो. नुकताच त्याचा एक व्हिडीओ व्हायरल झाला आहे. भारताचे केंद्रीय मंत्री अनुराग ठाकूर यांना रणवीरने त्याच्यासोबत डान्स करण्यास भाग पाडलं आणि अनुराग ठाकूरही डान्सचा मोह आवरून शकले नाहीत असा तो व्हिडीओ आहे. दुबई एक्स्पो इंडिया पॅव्हेलियन या कार्यक्रमाच्या दरम्यानचा हा व्हिडीओ आहे. इव्हेंट सुरू असताना रणवीर सिंगला त्याच्या सुपरहिट बाजीराव मस्तानी या चित्रपटातील गाण्यावर डान्स करण्याचा आग्रह करण्यात आला. त्यावेळी मल्हारी या गाण्यावर रणवीरने डान्स केला. तो केवळ स्वत: नाचला नाही तर त्याने केंद्रीय मंत्री अनुराग ठाकूर यांनाही आपल्याबरोबर ताल धरायला लावला. अनुराग ठाकूर यांनीदेखील त्याच्याबरोबर डान्स केला. त्यांनीच हा व्हिडीओदेखील आपल्या ट्वीटरवर शेअर केला आहे. पाहा व्हिडीओ-

The power of Bollywood transcends barriers!

Union Minister @ianuragthakur with @RanveerOfficial at @IndiaExpo2020#DubaiExpo2020. pic.twitter.com/YMRF6FKR9u

— Office of Mr. Anurag Thakur (@Anurag_Office) March 28, 2022

अनुराग ठाकूर यांनी ट्वीट केलेली क्लिप भले १७ सेकंदाची असली तरी त्यात खूप धमाल झाल्याचं दिसून येत आहे. अनुराग ठाकूर यांच्या कार्यालयाकडून ट्वीटरवर हा व्हिडीओ सोमवारी रात्री पोस्ट करण्यात आला. काही वेळातच त्या व्हिडीओला २० हजारांहून अधिक व्ह्यूज मिळाले. तसेच त्या व्हिडीओ १३००हून अधिक लाईक्स मिळाले असून २०० रिट्विट्सही आहेत.