VIDEO: बेघर मुलं शोरूमच्या बाहेर पाहात होती TV, सेल्समन आला अन् केलं मन जिंकणारं काम! एकदा पाहाच...

एक व्हिडिओ सध्या समोर आला आहे. जो पाहिल्यानंतर तुम्हीही म्हणाल पैशाच्या श्रीमंतीपेक्षा माणुसकीची श्रीमंती खूप मोठी असते. 

इंटरनेटच्या दुनियेत रोज नवनवे व्हिडिओ व्हायरल होत असतात. आपल्याला अनेकदा असे व्हिडीओ पाहायला मिळतात जे पाहिल्यानंतर आपल्याला हसू येतं, काही व्हिडिओ पाहून आपण आश्चर्यचकित होतो. तर असेही काही व्हिडिओ असतात की जे आपल्या मनला भिडतात. असाच एक व्हिडिओ सध्या समोर आला आहे. जो पाहिल्यानंतर तुम्हीही म्हणाल पैशाच्या श्रीमंतीपेक्षा माणुसकीची श्रीमंती खूप मोठी असते. 

मॉल, शो रुमच्या बाहेर बेघर आणि भीक मागणाऱ्यांना तुम्ही कधी ना कधी पाहिलं असेलच. काचेच्या चकाचक शो रुमबाहेर कुतूहलानं पाहणारी गरीब लहान मुलंही पाहिली असतील. शो रुमचे वॉचमन किंवा सेल्समन अशा मुलांना दुकानाबाहेर उभं राहू देत नाहीत. त्यांना हटकलं जातं. पण मनात मुलांबाबत हळहळ बाळगणारेही काही सेल्समन असतात. अशाच एका सेल्समनचा हा व्हिडिओ आहे. 

Store incharge let's homeless street kids choose what to watch on the display TV every evening. pic.twitter.com/ElOPGL61Fb

— Gautam Trivedi (@KaptanHindustan) January 5, 2023

जिथं दोन बेघर मुलं एका इलेक्ट्रॉनिक शोरुमच्या बाहेर बसून आत सुरू असलेला टीव्ही पाहात बसले होते. इतक्यात दुकानाचा सेल्समन बाहेर आला आणि त्यानं जे केलं ते मनाला भिडणारं होतं. सेल्समननं चक्क टीव्हीचा रिमोट आणला आणि मुलांचं आवडतं चॅनल कोणतं ते विचारु लागला. त्यांना हवं असणारं चॅनल तो सर्च करू लागला. मुलांचं आवडतं चॅनलही त्यानं लावून दिलं. व्हिडिओच इतका कमाल आहे की सोशल मीडियात व्हायरल तर होणारच. व्हिडिओवर कमेंट्सचा पाऊस पडत असून सर्व सेल्समनचं कौतुक करत आहेत.