सीमा हैदरला मैत्रिणी विचारायच्या- "या 'पतलू'मध्ये काय पाहिलं?"; वाचा, तिचं मजेशीर उत्तर

सीमा सचिनची लव्ह स्टोरी सध्या सगळीकडे चवीने वाचली जात आहे

Seema Haider Sachin Love Story, Viral Video: पाकिस्तानातून (Pakistan) बेकायदेशीरपणे भारतात घुसलेली सीमा हैदर आणि तिचा प्रियकर सचिन मीना यांची प्रेमकहाणी सोशल मीडियावरच नाही तर भारत-पाकिस्तानच्या गली-मोहल्ल्यांमध्येही अगदी चवीने वाचली जाते. ऑनलाइन गेमपासून सुरू झालेले त्यांचे प्रेम आता अशा टप्प्यावर पोहोचले आहे की प्रत्येकाला त्यांच्याबद्दल जाणून घ्यायचे आहे. या दोघांबद्दल रोज काही ना काही गोष्टी उघड होत आहेत. सीमाला लोक असे अनेक प्रश्न आहेत ज्यांची उत्तरे अजून सापडलेली नाहीत. पण तिच्या काही मैत्रिणी सीमाला असाही प्रश्न विचारायच्या की, तिने सचिनमध्ये असे काय पाहिलं की ती पाकिस्तानातून मुलांना घेऊन थेट भारतात आली. या प्रश्नाच्या उत्तराबाबतचा एक मजेशीर व्हिडीओ सोशल मीडियावर चांगलाच व्हायरल होत आहे. या व्हिडिओमध्ये सीमाने सचिनची निवड का केली हे सांगितले आहे.

सीमाचा हा व्हिडिओ 20 सेकंदांचा आहे. एक महिला सीमा हैदर आणि सचिनशी बोलत आहे. ती सीमाला विचारते – हा हिरो आहे का…. यावर सीमा उत्तर देते - हो नक्कीच! जर तुम्ही माझ्या नजरेतून पाहिलेत तर तो सर्वात सुंदर आहे. प्रेमाची नजर अशीच असते. माझ्या दोन मैत्रिणी पाकिस्तानात होत्या... त्या मला विचारायच्या की तुला या पतलू (सचिन) मध्ये काय दिसले... हा तर लहान मुलासारखा दिसतो... त्यावर मी त्यांना उत्तर द्यायचे की, तुम्ही माझ्या नजरेतून बघितलंत तर तो सर्वात बेस्ट आहे. पाहा व्हिडीओ-

Hein ji?? 😭😭😭 pic.twitter.com/bMvKNjcEwp

— Susmita (@shhuushhh_) July 27, 2023

ही क्लिप 'सुष्मिता' (@shhuushhh_) या ट्विटर युजरने २७ जुलै रोजी पोस्ट केली होती. तिने कॅप्शनमध्ये लिहिले - है जी?? हे ट्विट व व्हिडीओ भरपूर चर्चेत आले. या ट्विटला तुफान व्ह्यूज आणि लाईक्स मिळाले आहेत. तसेच, बऱ्याच युजर्सने या प्रकरणावर आपली प्रतिक्रिया नोंदवली आहे. एका व्यक्तीने लिहिले- जर तुम्ही माझ्या डोळ्यांतून पाहाल तर तुम्हाला तो हिरो दिसेल. दुसर्‍याने लिहिले- व्वा! प्रेमळ नजर....! याशिवाय इतर लोकांनीही बऱ्याच कमेंट केल्या आहेत.