VIDEO: संजय राऊतांचा सुप्रिया सुळेंसोबत अफलातून डान्स; लेकीच्या संगीत कार्यक्रमात थिरकले खासदार

संजय राऊतांच्या घरी लगीनघाई; कन्या पूर्वश्री उद्या लग्न बंधनात अडकणार

मुंबई: विरोधकांना सातत्यानं अंगावर घेणारे शिवसेनेचे राज्यसभेचे खासदार संजय राऊत यांच्या घरी सध्या लगीनघाई सुरू आहे. राऊत यांच्या कन्या पूर्वश्री २९ नोव्हेंबरला विवाह बंधनात अडकणार आहेत. मुलीच्या लग्नाच्या निमित्तानं आयोजित संगीत कार्यक्रमात संजय राऊत यांनी राष्ट्रवादी काँग्रेसच्या खासदार सुप्रिया सुळेंसोबत ठेका धरला. या दोघांच्या डान्सचा व्हिडीओ सोशल मीडियावर व्हायरल झाला आहे.

पूर्वश्री राऊत यांचा विवाह उद्या संपन्न होईल. ठाण्याचे जिल्हाधिकारी राजेश नार्वेकर यांचे पुत्र मल्हार यांच्यासोबत त्या लग्न बंधनात अडकतील. लग्नाआधी संपन्न झालेल्या संगीत कार्यक्रमाला बड्या नेते उपस्थित होते. यावेळी सुप्रिया सुळे आणि संजय राऊत यांनी डान्स केला. सुळे यांनी संजय राऊत यांच्या पत्नी वर्षा राऊत यांनादेखील डान्स करण्याचा आग्रह केला. त्यानंतर मिस्टर आणि मिसेस राऊत गाण्यावर थिरकले.

राऊत आणि पवार यांच्यातील स्नेहसंबंध अनेक वर्षांपासूनचे आहेत. मात्र महाविकास आघाडी सरकारमुळे ही दोन कुटुंबं आणखी जवळ आली. राऊत अधूनमधून राष्ट्रवादीचे अध्यक्ष शरद पवारांच्या भेटीसाठी सिल्व्हर ओकवर जात असतात. राऊत यांच्या कन्येच्या विवाह सोहळ्याला सर्वपक्षीय दिग्गज मंडळी उपस्थित राहणार आहेत.